1482 ᠣᠨ ᠳᠤ 34 ᠨᠠᠰᠤᠲᠠᠢ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠲᠤᠨ ᠬᠢᠭᠡᠳ 19 ᠨᠠᠰᠤᠲᠠᠢ ᠪᠠᠲᠤᠮᠥ᠋ᠩᠬᠡ ᠳᠠᠶᠠᠨ ᠬᠠᠭᠠᠨ ᠬᠤᠶᠠᠷ ᠠᠴᠠ ᠬᠤᠶᠠᠷ ᠵᠦᠢᠷᠠᠢ ᠬᠦᠦ ᠲᠥᠷᠥᠭᠰᠡᠨ ᠨᠢ ᠲᠥᠷᠥᠪᠣᠯᠣᠳ ᠂ ᠤᠯᠤᠰᠪᠤᠯᠤᠳ ᠪᠤᠯᠤᠨᠠ ᠃ 1484 ᠣᠨ ᠤ ᠬᠦᠬᠡ ᠯᠤᠤ ᠵᠢᠯ ᠂ ᠲᠦᠷᠦᠯᠲᠦ ᠭᠦᠩᠵᠦ ︵ᠪᠠᠰᠠ ᠭᠡᠭᠡᠠ ᠠᠪᠠᠢ ᠭᠡᠳᠡᠭ︶ ᠂ ᠪᠠᠷᠰᠪᠣᠯᠣᠳ ᠵᠢᠨᠣᠩ ᠬᠤᠶᠠᠷ ᠢ ᠢᠬᠡᠷᠡ ᠲᠦᠷᠦᠭᠰᠡᠨ ᠪᠠᠶᠢᠨᠠ ᠃ 1487 ᠣᠨ ᠤ ᠤᠯᠠᠭᠠᠭᠴᠢᠨ ᠬᠤᠨᠢᠨ ᠵᠢᠯ ᠂ ᠠᠷᠴᠠᠪᠣᠯᠣᠳ ︵ᠨᠠᠷᠠᠰᠤᠪᠤᠯᠤᠳ︶ ᠢ ᠲᠦᠷᠦᠪᠡ ᠃ 1490 ᠣᠨ ᠤ ᠴᠠᠭᠠᠨ ᠨᠣᠬᠠᠢ ᠵᠢᠯ ᠠᠯᠴᠢᠪᠣᠯᠣᠳ ︵ᠠᠯᠴᠣᠪᠤᠯᠤᠳ︶ ᠂ ᠸᠴᠢᠷᠪᠣᠯᠣᠳ ᠢ ᠢᠬᠡᠷᠡ ᠲᠦᠷᠦᠪᠡ ᠃ ᠨᠠᠢᠮᠠᠳᠤᠭᠠᠷ ᠨᠢ ᠠᠷᠪᠤᠯᠤᠳ ︵ᠨᠠᠷᠠᠨᠪᠤᠯᠤᠳ︶ ᠭᠡᠳᠡᠭ ᠃ ᠡᠶᠢᠨ ᠬᠦ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠤ ᠬᠦᠰᠡᠯ ᠮᠦᠷᠦᠭᠡᠳᠦᠯ ᠪᠡᠶᠡᠯᠡᠭᠳᠡᠵᠦ ᠂ ᠶᠡᠭᠡ ᠬᠠᠭᠠᠨ ᠤ ᠣᠷᠳᠤᠨ ᠤ ᠡᠮᠦᠨᠡ ᠲᠠᠭᠠᠳᠬᠠᠨ ᠭᠤᠶᠤᠭᠰᠠᠨ ᠢᠶᠠᠷ ᠶᠠᠭ ᠳᠣᠯᠤᠭᠠᠨ ᠬᠦᠦ ᠨᠢᠭᠡ ᠦᠬᠢᠨ ᠲᠠᠢ ᠪᠤᠯᠵᠠᠢ ᠃ ᠡᠶᠢᠮᠦ ᠭᠠᠶᠢᠬᠠᠮᠰᠢᠭᠳᠠᠢ ᠦᠢᠯᠡ ᠶᠠᠪᠤᠳᠠᠯ ᠡᠷᠳᠡ ᠡᠳᠦᠭᠡ ᠭᠠᠳᠠᠭᠠᠳᠤ ᠲᠤᠳᠤᠭᠠᠳᠤ ᠶᠢᠨ ᠲᠡᠤᠭᠡᠨ ᠳᠤ ᠶᠡᠭᠡ ᠯᠠ ᠬᠤᠪᠤᠷᠬᠠᠨ ᠰᠠᠨ ᠃ ᠡᠭᠦᠨ ᠢ ᠲᠡᠭᠷᠢ ᠶᠢᠨ ᠰᠠᠨᠠᠭᠠ ᠭᠡᠬᠦ ᠠᠴᠠ ᠦᠭᠡᠷᠡ ᠶᠠᠭᠤ ᠭᠡᠬᠦ ᠪᠤᠢ︖ ᠠᠭᠤᠤ ᠶᠡᠭᠡ ᠬᠠᠳᠣᠨ ᠡᠭᠡ ᠮᠢᠨᠦ ᠃
ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠪᠤᠯ ᠨᠢᠭᠡᠨ ᠰᠢᠯᠭᠠᠷᠠᠭᠰᠠᠨ ᠰᠤᠷᠭᠠᠨ ᠬᠦᠮᠦᠵᠢᠬᠦᠯᠦᠭᠴᠢ ᠮᠦᠨ ᠃ ᠲᠡᠭᠦᠨ ᠤ ᠪᠢᠴᠢᠭ ᠴᠡᠷᠢᠭ ᠤᠨ ᠤᠶᠠᠨ ᠬᠠᠳᠠᠨ ᠰᠤᠷᠭᠠᠯᠳᠠ ᠲᠤᠤᠷᠠ ᠬᠠᠮᠤᠭ ᠤᠨ ᠲᠤᠷᠤᠢ ᠪᠠᠭᠤᠷᠠᠢ ᠡᠪᠡᠳᠴᠢᠨ ᠡᠮᠭᠡᠭ ᠲᠠᠢ ᠦᠨᠦᠴᠢᠨ ᠬᠡᠤᠬᠡᠳ ᠪᠠᠳᠤᠮᠦ᠋ᠩᠭᠡ ᠂ ᠲᠡᠶᠡᠨ ᠬᠠᠭᠠᠨ ᠪᠤᠯᠵᠤ ᠬᠦᠮᠦᠵᠢᠭᠳᠡᠪᠡ ᠃ ᠲᠡᠶᠡᠨ ᠬᠠᠭᠠᠨ ᠪᠤᠯᠵᠤ ᠬᠦᠮᠦᠵᠢᠭᠳᠡᠭᠰᠡᠨ ᠪᠠᠳᠤᠮᠦ᠋ᠩᠭᠡ ᠨᠢᠭᠡᠨᠳᠡ ᠭᠠᠯ ᠬᠠᠯᠠᠭᠤᠨ ᠵᠤᠷᠢᠭ ᠲᠠᠢ ᠂ ᠤᠰᠤᠨ ᠲᠤᠩᠭᠠᠯᠠᠭ ᠪᠤᠳᠤᠯ ᠲᠠᠢ ᠂ ᠦᠢᠯᠡ ᠤᠴᠠᠷᠠᠯ ᠢ ᠵᠦᠬᠢᠰᠳᠠᠢ ᠰᠢᠢᠳᠪᠤᠷᠢᠯᠡᠵᠦ ᠴᠢᠳᠠᠬᠤ ᠰᠡᠳᠭᠢᠯ ᠤᠨ ᠲᠠᠮᠢᠷ ᠲᠠᠢ ᠮᠤᠩᠭᠤᠯ ᠡᠷᠡ ᠬᠦᠮᠦᠨ ᠪᠤᠯᠵᠤ ᠂ ᠮᠤᠩᠭᠤᠯ ᠡᠴᠢᠭᠡ ᠬᠦᠮᠦᠨ ᠪᠤᠯᠵᠤ ᠂ ᠮᠤᠩᠭᠤᠯ ᠲᠦᠷᠦ ᠶᠢᠨ ᠬᠠᠭᠠᠨᠳᠤ ᠵᠠᠰᠠᠭ ᠢ ᠵᠦᠪ ᠶᠠᠪᠤᠭᠤᠯᠵᠦ ᠴᠢᠳᠠᠬᠤ ᠬᠠᠭᠠᠨ ᠪᠤᠯᠵᠠᠢ ᠃
1507 ᠣᠨ ᠤ ᠪᠠᠳᠤᠮᠦ᠋ᠩᠭᠡ ᠲᠡᠶᠡᠨ ᠬᠠᠭᠠᠨ ᠂ ᠬᠦᠪᠡᠬᠦᠨ ᠤᠯᠤᠰᠪᠤᠯᠤᠳ ᠢᠶᠠᠨ ᠪᠠᠷᠠᠭᠤᠨ ᠭᠤᠷᠪᠠᠨ ᠲᠦᠮᠡᠨ ᠳᠤ ᠵᠢᠨᠦᠩ ᠪᠤᠯᠭᠠᠬᠤ ᠪᠠᠷ ᠶᠠᠪᠤᠭᠤᠯᠤᠭᠰᠠᠨ ᠳᠤ ᠂ ᠪᠠᠷᠠᠭᠤᠨ ᠭᠠᠷᠤᠨ ᠶᠦᠩᠰᠢᠶᠠᠪᠤ ᠶᠢᠨ ᠢᠪᠡᠷᠡᠢ ᠲᠠᠶᠢᠱᠢ ᠪᠠ ᠤᠷᠳᠤᠰ ᠤᠨ ᠮᠠᠨᠳᠤᠯᠠᠢ ᠠᠬᠠᠯᠠᠬᠤ ᠬᠤᠶᠠᠷ ᠬᠤᠤᠪᠢᠯᠳᠤᠵᠦ ᠤᠯᠤᠰᠪᠤᠯᠤᠳ ᠢ ᠬᠤᠤᠷᠯᠠᠨ ᠠᠯᠠᠪᠠ ᠃ ᠡᠭᠦᠨ ᠳᠤ ᠡᠴᠢᠭᠡ ᠬᠦᠮᠦᠨ ᠤ ᠬᠠᠶᠢᠷᠠ ᠂ ᠡᠵᠡᠨ ᠬᠦᠮᠦᠨ ᠤ ᠰᠦᠷ ᠢᠶᠠᠷ ᠪᠠᠳᠤᠮᠦ᠋ᠩᠭᠡ ᠲᠡᠶᠡᠨ ᠬᠠᠭᠠᠨ ᠪᠤᠢ ᠪᠦᠬᠦᠢ ᠴᠡᠷᠢᠭ ᠮᠤᠷᠢ ᠪᠠᠨ ᠲᠠᠶᠢᠴᠢᠯᠠᠨ ᠂ ᠪᠠᠷᠠᠭᠤᠨ ᠭᠤᠷᠪᠠᠨ ᠲᠦᠮᠡᠨ ᠢ ᠲᠠᠶᠢᠯᠠᠬᠤ ᠪᠠᠷ ᠮᠤᠷᠳᠠᠪᠠ ᠃ ᠬᠠᠳᠤᠨ ᠭᠤᠤᠯ ᠤᠨ ᠰᠡᠪᠡ ᠭᠠᠵᠠᠷ ᠬᠦᠷᠬᠦ ᠳᠤ ᠭᠡᠨᠡᠳᠳᠡ ᠲᠠᠯᠠᠳ ᠤᠨ ᠪᠠᠭᠠᠳᠤᠷ ᠡᠩᠭᠦᠷᠡᠢ ᠤᠯᠠᠨ ᠱᠠᠷ ᠬᠦᠭᠡᠭᠡᠵᠦ ᠡᠪᠡᠷ ᠬᠠᠯᠵᠠ ᠪᠠᠷ ᠪᠦᠷᠢᠶᠡ ᠲᠠᠳᠠᠨ ᠂ ᠰᠦᠷ ᠲᠠᠯᠠᠶᠢᠴᠠ ᠲᠠᠢ ᠪᠠᠷ ᠲᠠᠭᠠᠷᠢᠨ ᠢᠷᠡᠭᠦᠶᠡ ᠲᠦᠮᠡᠨ ᠦᠭᠡᠷ ᠤᠨ ᠲᠤᠭᠤᠷᠠᠢ ᠶᠢᠨ ᠲᠤᠭᠤᠰᠤ ᠲᠦᠷᠭᠡᠨ ᠤᠷᠤᠰᠬᠠᠯᠳᠤ ᠬᠠᠳᠤᠨ ᠭᠤᠤᠯ ᠤᠨ ᠰᠠᠪᠠ ᠭᠠᠵᠠᠷ ᠢ ᠪᠦᠷᠭᠦᠨ ᠂ ᠵᠠᠬᠦᠨ ᠭᠤᠷᠪᠠᠨ ᠲᠦᠮᠡᠨ ᠤ ᠴᠡᠷᠢᠭ ᠦᠭᠡᠷ ᠤᠨ ᠰᠦᠷᠦᠭ ᠲᠠᠢ ᠦᠢ ᠤᠯᠠᠨ ᠴᠡᠷᠢᠭ ᠲᠠᠭᠠᠷᠢᠨ ᠢᠷᠡᠯᠡ ᠭᠡᠵᠦ ᠠᠳᠡᠭᠦᠷᠡᠭᠡᠳ ᠡᠮᠤᠨᠡᠬᠢ ᠴᠡᠷᠢᠭ ᠨᠢ ᠬᠤᠶᠢᠰᠢ ᠲᠤᠳᠠᠭᠠᠬᠤᠶᠠ ᠂ ᠬᠤᠶᠢᠨᠡᠬᠢ ᠴᠡᠷᠢᠭ ᠨᠢ ᠡᠮᠤᠨᠡᠬᠢ ᠴᠡᠷᠢᠭ ᠲᠡᠭᠡᠨ ᠲᠠᠭᠠᠷᠢᠭᠳᠠᠨ ᠴᠡᠷᠢᠭ ᠤᠨ ᠵᠢᠭᠰᠠᠭᠠᠯ ᠭᠱᠠᠨ ᠵᠠᠭᠤᠷᠠ ᠰᠠᠮᠠᠭᠤᠷᠠᠵᠦ ᠂ ᠡᠷᠦᠢ ᠬᠤᠷᠦᠢ ᠦᠭᠡᠢ ᠪᠤᠯᠬᠤ ᠳᠤ ᠲᠠᠶᠠᠨ ᠬᠠᠭᠠᠨ ᠴᠤ ᠰᠠᠮᠠᠭᠤᠨ ᠴᠡᠷᠢᠭ ᠤᠨ ᠨᠢᠭᠤᠷ ᠨᠢᠳᠦ ᠦᠭᠡᠢ ᠲᠠᠭᠠᠷᠢᠯᠳᠠ ᠳᠤ ᠮᠤᠷᠢᠨ ᠠᠴᠠ ᠪᠠᠨ ᠬᠠᠶᠠᠭᠳᠠᠨ ᠬᠦᠰᠡᠷᠡ ᠤᠶᠢᠴᠢᠪᠠ ᠃ ᠴᠡᠷᠢᠭ ᠠᠩᠬᠢ ᠨᠢ ᠵᠠᠬᠢᠷᠤᠭᠴᠢ ᠪᠠᠨ ᠠᠯᠳᠠᠵᠦ ᠂ ᠵᠠᠬᠢᠷᠤᠭᠴᠢ ᠨᠢ ᠴᠡᠷᠢᠭ ᠢᠶᠠᠨ ᠵᠢᠯᠤᠭᠤᠳᠴᠣ ᠴᠢᠳᠠᠬᠤ ᠦᠭᠡᠢ ᠪᠤᠯᠤᠭᠰᠠᠨ ᠪᠤᠯᠬᠤᠷ ᠵᠠᠩᠵᠤᠨ ᠪᠠᠭᠠᠳᠤᠷ ᠤᠳ ᠨᠢ ᠰᠠᠷᠨᠢᠵᠦ ᠪᠤᠳᠠᠷᠠᠭᠰᠠᠨ ᠭᠡᠰᠡᠭ ᠪᠤᠰᠠᠭ ᠴᠡᠷᠢᠭ ᠢᠶᠠᠨ ᠬᠤᠷᠢᠶᠠᠨ ᠠᠪᠴᠣ ᠂ ᠰᠠᠩᠳᠠ ᠮᠡᠩᠳᠠ ᠬᠠᠭᠠᠨ ᠢᠶᠠᠨ ᠬᠠᠮᠠᠭᠠᠯᠠᠨ ᠮᠤᠨᠢ ᠠᠭᠤᠯᠠ ᠶᠢ ᠵᠦᠳᠡᠵᠦ ᠶᠠᠳᠠᠨ ᠲᠠᠪᠠᠭᠠᠳ ᠴᠠᠬᠠᠷ ᠲᠠᠭᠠᠨ ᠪᠤᠴᠠᠪᠠ ᠃ ᠢᠯᠠᠨᠠ ᠢᠯᠠᠭᠳᠠᠨᠠ ᠭᠡᠭᠴᠢ ᠴᠡᠷᠢᠭ ᠲᠠᠶᠢᠨ ᠤ ᠡᠩ ᠤᠨ ᠶᠠᠪᠤᠳᠠᠯ ᠃ ᠡᠷᠡ ᠨᠢᠭᠡ ᠠᠳᠡᠵᠦ ᠂ ᠡᠷᠬᠢ ᠨᠢᠭᠡ ᠨᠤᠷᠠᠳᠠᠭ ᠰᠠᠨ ᠃
ᠡᠷᠳᠡᠨᠢ ᠲᠡᠨᠡ ᠡᠯᠡᠭᠳᠡᠬᠦ ᠲᠤᠳᠤᠮ ᠦᠩᠬᠡ ᠤᠷᠤᠳᠠᠭ ᠂ ᠡᠷᠡ ᠬᠦᠮᠦᠨ ᠵᠤᠪᠠᠭ᠋ᠤ ᠲᠤᠳᠤᠮ ᠤᠬᠠᠭᠠ ᠤᠷᠤᠳᠠᠭ ᠃ 1508 ᠤᠨ ᠤ ᠡᠪᠤᠯ ᠪᠠᠳᠤᠮᠦ᠋ᠩᠭᠡ ᠲᠠᠶᠠᠨ ᠬᠠᠭᠠᠨ ᠵᠡᠭᠦᠨ ᠭᠤᠷᠪᠠᠨ ᠲᠦᠮᠡᠨ ᠢᠶᠠᠨ ᠲᠠᠶᠢᠴᠢᠯᠠᠨ ᠪᠠᠷᠠᠭᠤᠨ ᠭᠤᠷᠪᠠᠨ ᠲᠦᠮᠡᠨ ᠢ ᠲᠦᠪᠰᠢᠳᠭᠡᠬᠦ ᠪᠠᠷ ᠲᠡᠬᠢᠨ ᠴᠡᠷᠢᠭ ᠠᠪᠴᠤ ᠮᠤᠷᠳᠠᠭᠰᠠᠨ ᠶᠤᠮ ᠃ ᠲᠠᠯᠠᠨ ᠲᠡᠷᠢᠬᠦᠨ ︵ᠤᠳᠤ ᠶᠢᠨ ᠶᠡᠭᠡ ᠵᠤᠤ ᠠᠶᠢᠮᠠᠭ ᠲᠤ ᠪᠤᠢ︶ ᠭᠡᠬᠦ ᠭᠠᠵᠠᠷ ᠬᠦᠷᠴᠣ ᠂ ᠪᠠᠳᠤᠮᠦ᠋ᠩᠭᠡ ᠲᠠᠶᠠᠨ ᠬᠠᠭᠠᠨ᠄ ︽ᠤᠷᠳᠤᠰ ᠨᠠᠢᠮᠠᠨ ᠴᠠᠭᠠᠨ ᠭᠡᠷ ᠢ ᠬᠠᠳᠠᠭᠠᠯᠠᠭᠰᠠᠨ ᠶᠡᠭᠡ ᠵᠠᠶᠠᠭᠠᠳᠤ ᠤᠯᠤᠰ ᠲᠠᠢ ᠤᠷᠢᠶᠠᠩᠬᠠᠢ ᠪᠠᠶᠢᠯᠳᠤ︕ ᠠᠷᠪᠠᠨ ᠬᠤᠶᠠᠷ ᠲᠦᠮᠡᠳ ᠲᠠᠢ ᠠᠷᠪᠠᠨ ᠬᠤᠶᠠᠷ ᠤᠳᠤᠭ ᠬᠠᠯᠬᠠ ᠪᠠᠶᠢᠯᠳᠤ︕ ᠲᠤᠩ ᠶᠡᠭᠡ ᠶᠦᠩᠰᠢᠶᠠᠪᠤ ᠲᠠᠢ ᠨᠠᠢᠮᠠᠨ ᠤᠳᠤᠭ ᠴᠠᠬᠠᠷ ᠪᠠᠶᠢᠯᠳᠤ︕︾ ᠭᠡᠵᠦ ᠵᠠᠷᠯᠢᠭ ᠪᠤᠯᠪᠠ ᠃ ᠬᠤᠶᠠᠷ ᠡᠳᠡᠭᠡᠳ ᠵᠢᠭᠤᠷᠠᠯᠳᠤᠨ ᠪᠠᠶᠢᠯᠳᠤᠬᠤ ᠳᠤ ᠲᠠᠯᠠᠨ ᠲᠡᠷᠢᠬᠦᠨ ᠢ ᠭᠱᠠᠨ ᠵᠠᠭᠤᠷᠠ ᠲᠠᠶᠢᠨ ᠤ ᠤᠳᠤᠭᠠ ᠪᠦᠷᠭᠦᠵᠦ ᠂ ᠪᠠᠶᠢᠯᠳᠤᠭᠠᠨ ᠤ ᠠᠭᠳᠠ ᠶᠢᠨ ᠦᠦᠷᠰᠡᠯᠲᠡ ᠂ ᠪᠠᠭᠠᠳᠤᠷᠴᠣᠳ ᠤᠨ ᠰᠠᠯᠠᠮᠠ ᠶᠢᠨ ᠬᠢᠯᠪᠠᠭᠠ ᠂ ᠪᠠᠭ ᠴᠡᠷᠢᠭ ᠤᠨ ᠦᠬᠦᠨ ᠲᠡᠮᠡᠴᠡᠯᠳᠦᠬᠦ ᠪᠠᠷᠬᠢᠷᠠᠯᠳᠤᠭᠠᠨ ᠂ ᠴᠠᠪᠴᠢᠯᠳᠤᠨ ᠠᠯᠠᠯᠳᠤᠬᠤ ᠬᠠᠷᠠᠰᠠᠯᠳᠤ ᠲᠠᠭᠤᠨ ᠠᠯᠤᠰ ᠤᠨ ᠠᠯᠤᠰ ᠲᠤ ᠴᠤᠤᠷᠢᠶᠠᠳᠤᠨ ᠂ ᠮᠤᠩᠭᠤᠯ ᠤᠨ ᠪᠠᠭᠠᠳᠤᠷ ᠡᠷᠡᠴᠣᠳ ᠵᠢᠭᠤᠷᠠᠯᠳᠤᠨ ᠪᠠᠶᠢᠯᠳᠤᠵᠦ ᠪᠠᠶᠢᠭᠰᠠᠨ ᠦᠶᠡᠰ ᠂ ᠤᠷᠢᠶᠠᠩᠬᠠᠢ ᠶᠢ ᠲᠠᠶᠢᠴᠢᠯᠠᠭᠰᠠᠨ ᠰᠠᠶᠢᠨ ᠠᠯᠠᠭ ︵ᠲᠡᠷᠤᠢ ᠪᠠᠷᠰᠪᠤᠯᠤᠳ ᠵᠢᠨᠦᠩ︶ ᠲᠦᠴᠢᠨ ᠰᠠᠶᠢᠨ ᠡᠷᠡ ᠶᠢ ᠲᠠᠭᠠᠭᠤᠯᠤᠨ ᠶᠡᠭᠡ ᠴᠡᠷᠢᠭ ᠤᠨ ᠬᠦᠷᠢᠶᠡᠨ ᠤ ᠭᠠᠳᠠᠭᠤᠷ ᠤᠷᠢᠶᠠᠨ ᠭᠠᠷᠤᠭᠠᠳ ᠠᠷᠤ ᠲᠠᠯᠠ ᠠᠴᠠ ᠤᠷᠳᠤᠰ ᠲᠦᠮᠡᠨ ᠤ ᠴᠡᠷᠢᠭ ᠤᠨ ᠬᠦᠷᠢᠶᠡ ᠤᠷᠤᠭᠤ ᠲᠠᠭᠠᠷᠢᠨ ᠤᠷᠤᠭᠰᠠᠨ ᠪᠠᠶᠢᠨᠠ ᠃ ᠰᠠᠶᠢᠨ ᠠᠯᠠᠭ ᠴᠡᠷᠢᠭ ᠲᠠᠭᠠᠭᠤᠯᠤᠨ ᠢᠷᠡᠬᠦ ᠶᠢ ᠤᠷᠳᠤᠰ ᠲᠦᠮᠡᠨ ᠤ ᠴᠡᠷᠢᠭ ᠤᠨ ᠬᠦᠷᠢᠶᠡ ᠶᠢ ᠰᠠᠬᠢᠵᠦ ᠪᠠᠶᠢᠭᠰᠠᠨ ᠮᠦᠩᠭᠡ ᠲᠤᠭᠴᠢ᠄ ︽ᠬᠠᠭᠠᠨ ᠡᠵᠠᠨ ᠤ ᠬᠠᠷᠠ ᠰᠦᠯᠳᠠ ᠂ ᠬᠠᠨ ᠦᠷᠡ ᠳᠤ ᠨᠢ ᠡᠭᠡᠬᠦ ᠪᠤᠯᠪᠠ︾ ᠭᠡᠵᠦ ᠴᠢᠩᠬᠢᠰ ᠬᠠᠭᠠᠨ ᠤ ᠬᠠᠷᠠ ᠰᠦᠯᠳᠡ ᠶᠢ ᠠᠪᠤᠨ ᠰᠠᠶᠢᠨ ᠠᠯᠠᠭ ᠲᠤ ᠪᠠᠭᠤᠵᠤ ᠦᠭᠪᠡ ᠃ ᠢᠩᠬᠢᠵᠦ ᠪᠠᠷᠠᠭᠤᠨ ᠭᠤᠷᠪᠠᠨ ᠲᠦᠮᠡᠨ ᠪᠠᠶᠢᠷᠢ ᠪᠠᠨ ᠠᠯᠳᠠᠵᠦ ᠢᠯᠠᠭᠳᠠᠨ ᠂ ᠤᠯᠠᠩᠬᠢ ᠨᠢ ᠲᠠᠶᠢᠨ ᠤ ᠬᠦᠯ ᠳᠤ ᠦᠬᠦᠪᠡ ᠃ ᠦᠯᠡᠳᠡᠭᠰᠡᠨ ᠨᠢ ᠮᠠᠨᠳᠤᠯᠠᠢ ᠶᠢ ᠲᠠᠭᠠᠵᠦ ᠬᠦᠬᠡᠨᠡᠭᠤᠷ ᠵᠦᠭ ᠵᠢᠭᠤᠳᠠᠪᠠ ᠃ ᠪᠠᠳᠤᠮᠦ᠋ᠩᠭᠡ ᠲᠠᠶᠠᠨ ᠬᠠᠭᠠᠨ ᠤ ᠡᠳᠦᠷ ᠰᠦᠨᠢ ᠦᠭᠡᠢ ᠨᠡᠭᠡᠮᠵᠢᠯᠡᠯᠳᠡ ᠳᠤ ᠡᠴᠤᠰ ᠲᠤ ᠬᠦᠬᠡᠨᠡᠭᠤᠷ ᠤᠨ ᠠᠴᠠᠨ ᠤ ᠴᠠᠶᠢᠳᠠᠮ ︵ᠤᠳᠤ ᠬᠦᠭᠡᠨᠡᠭᠤᠷ ᠲᠤ ᠪᠤᠢ︶ ᠳᠤ ᠲᠤᠨᠢᠯᠭᠠᠭᠳᠠᠪᠠ ᠃ ᠠᠮᠢᠳᠤ ᠦᠯᠡᠳᠡᠭᠰᠡᠨ ᠭᠡᠰᠡᠭ ᠴᠡᠷᠢᠭ ᠨᠢ ᠬᠦᠭᠡᠨᠡᠭᠤᠷ ᠲᠤ ᠨᠤᠳᠤᠭᠰᠢᠨ ᠰᠠᠭᠤᠪᠠ ᠃ ᠶᠦᠩᠰᠢᠶᠡᠪᠤ ᠶᠢᠨ ᠢᠪᠡᠷᠡᠢ ᠲᠠᠶᠢᠱᠢ ᠭᠠᠭᠴᠠ ᠬᠦᠮᠦᠨ ᠭᠤᠵᠤᠩ ᠮᠤᠷᠢ ᠪᠠᠷ ᠬᠠᠮᠢᠯ ︵ᠤᠳᠤ ᠶᠢᠨ ᠰᠢᠨᠵᠢᠶᠠᠩ ᠳᠤ ᠪᠤᠢ︶ ᠳᠤ ᠬᠦᠷᠦᠭᠡᠳ ᠲᠡᠨᠳᠡᠬᠢ ᠬᠦᠮᠦᠰ ᠲᠤ ᠠᠯᠠᠭᠳᠠᠵᠠᠢ ᠃
ᠬᠠᠭᠠᠨ ᠬᠦᠮᠦᠨ ᠪᠤᠯ ᠬᠠᠭᠠᠨ ᠬᠦᠮᠦᠨ ᠪᠠᠶᠢᠬᠤ ᠶᠤᠰᠤᠳᠠᠢ ᠃ ᠬᠠᠭᠠᠨ ᠬᠦᠮᠦᠨ ᠤ ᠶᠤᠰᠤᠭᠠᠷ 1512 ᠤᠨ ᠳᠤ ᠪᠠᠳᠤᠮᠦ᠋ᠩᠭᠡ ᠲᠠᠶᠠᠨ ᠬᠠᠭᠠᠨ ᠪᠠᠷᠠᠭᠤᠨ ᠭᠤᠷᠪᠠᠨ ᠲᠦᠮᠡᠨ ᠢ ᠲᠦᠪᠰᠢᠳᠭᠡᠭᠡᠳ ᠨᠠᠢᠮᠠᠨ ᠴᠠᠭᠠᠨ ᠤᠷᠳᠤᠨ ᠤ ᠡᠮᠤᠨᠡ ᠶᠡᠭᠡ ᠲᠠᠶᠢᠯᠠᠯᠭᠠ ᠬᠢᠵᠦ ᠰᠠᠶᠢᠨ ᠠᠯᠠᠭ ᠢ ᠪᠠᠷᠠᠭᠤᠨ ᠭᠤᠷᠪᠠᠨ ᠲᠦᠮᠡᠨ ᠤ ᠵᠢᠨᠦᠩ ᠢᠶᠠᠷ ᠡᠷᠭᠦᠮᠵᠢᠯᠡᠭᠰᠡᠨ ᠪᠦᠭᠡᠳ ᠪᠠᠷᠠᠭᠤᠨ ᠭᠤᠷᠪᠠᠨ ᠲᠦᠮᠡᠨ ᠢ ᠲᠦᠪᠰᠢᠳᠭᠡᠬᠦ ᠳᠤ ᠭᠠᠪᠢᠶᠠ ᠪᠠᠶᠢᠭᠤᠯᠤᠭᠰᠠᠨ ᠢᠵᠠᠭᠤᠷᠲᠠᠳ ᠢ ᠬᠦᠨᠳᠦᠳᠡ ᠱᠠᠩᠨᠠᠵᠦ ᠂ ᠬᠦᠪᠡᠬᠦᠨ ᠪᠠᠷᠰᠪᠤᠯᠤᠳ ᠢ ᠪᠠᠷᠠᠭᠤᠨ ᠭᠤᠷᠪᠠᠨ ᠲᠦᠮᠡᠨ ᠳᠤ ᠦᠯᠡᠳᠡᠭᠡᠭᠡᠳ ᠢᠯᠠᠭᠤᠭᠰᠠᠨ ᠴᠡᠷᠢᠭ ᠢᠶᠠᠨ ᠬᠤᠷᠢᠶᠠᠨ ᠴᠠᠬᠠᠷ ᠲᠠᠭᠠᠨ ᠪᠤᠴᠠᠪᠠ ᠃
ᠪᠠᠳᠤᠮᠦ᠋ᠩᠭᠡ ᠲᠠᠶᠠᠨ ᠬᠠᠭᠠᠨ ᠴᠠᠬᠠᠷ ᠲᠠᠭᠠᠨ ᠪᠤᠴᠠᠭᠠᠳ ᠢᠷᠠᠳᠠᠯᠠ ᠤᠷᠢᠶᠠᠩᠬᠠᠶᠢᠴᠣᠳ ᠤᠷᠪᠠᠪᠠ ᠃ ᠪᠠᠳᠤᠮᠦ᠋ᠩᠭᠡ ᠲᠠᠶᠠᠨ ᠬᠠᠭᠠᠨ ᠰᠡᠳᠭᠢᠯ ᠢᠶᠠᠨ ᠴᠢᠩᠭᠠᠯᠠᠵᠦ ᠂ ᠵᠤᠷᠢᠭ ᠢᠶᠠᠨ ᠬᠦᠪᠴᠢᠯᠡᠨ ᠂ ᠴᠡᠷᠢᠭ ᠮᠤᠷᠢ ᠪᠠᠨ ᠲᠡᠬᠢᠨ ᠴᠡᠭᠴᠡᠯᠠᠵᠦ ᠂ ᠬᠦᠪᠡᠬᠦᠨ ᠪᠠᠷᠰᠪᠤᠯᠤᠳ ᠲᠤ ᠬᠡᠯᠡ ᠦᠭᠴᠤ ᠬᠠᠮᠳᠤ ᠪᠠᠷ ᠤᠷᠢᠶᠠᠩᠬᠠᠢ ᠶᠢ ᠪᠠᠶᠢᠯᠳᠤᠬᠤ ᠪᠠᠷ ᠮᠤᠷᠳᠠᠪᠠ ᠃ ᠶᠡᠭᠡ ᠴᠡᠷᠢᠭ ᠤᠨ ᠮᠠᠩᠯᠠᠢ ᠳᠤ ᠶᠠᠪᠤᠭᠰᠠᠨ ᠪᠠᠭᠠᠰᠤᠨ ᠲᠠᠪᠤᠨᠠᠩ ᠵᠡᠷᠭᠡ ᠲᠦᠷᠪᠡᠨ ᠬᠤᠰᠢᠭᠤᠴᠢ ᠪᠠᠭᠠᠳᠤᠷ ᠤᠳ ᠰᠦᠷ ᠭᠡᠷᠡᠯᠳᠡᠢ ᠪᠠᠷ ᠪᠠᠭ ᠴᠡᠷᠢᠭ ᠢᠶᠠᠨ ᠵᠢᠯᠤᠭᠤᠳᠴᠤ ᠂ ᠬᠠᠶᠢᠷᠠ ᠨᠠᠶᠢᠷ ᠦᠭᠡᠢ ᠴᠤᠬᠢᠨ ᠤᠷᠤᠭᠠᠳ ᠂ ᠲᠤᠰ ᠠᠶᠢᠮᠠᠭ ᠤᠨ ᠲᠦᠷᠦᠬᠦᠦ ᠶᠡᠭᠡ ᠪᠠᠶᠢᠷᠢ ᠶᠢ ᠴᠡᠪᠴᠢᠨ ᠠᠯᠠᠵᠦ ᠂ ᠤᠷᠢᠶᠠᠩᠬᠠᠶᠢᠴᠣᠳ ᠢ ᠤᠷᠤᠭᠤᠯᠤᠨ ᠠᠪᠤᠭᠠᠳ ᠳᠠᠶᠢᠨ ᠳᠠᠭᠤᠰᠪᠠ ᠃
ᠡᠮᠨᠢᠭ ᠮᠤᠷᠢ ᠶᠢ ᠨᠤᠭᠳᠤ ᠪᠠᠷ ᠂ ᠡᠰᠡᠷᠭᠦᠦ ᠲᠠᠶᠢᠰᠤᠨ ᠢ ᠲᠡᠮᠡᠴᠡᠯ ᠢᠶᠠᠷ ᠭᠡᠳᠡᠭ ᠨᠢ ᠢᠩᠬᠢᠬᠦ ᠯᠠ ᠶᠤᠰᠤᠳᠠᠢ ᠪᠠᠶᠢᠭᠰᠠᠨ ᠰᠠᠨᠵᠠᠢ ᠃ ᠡᠳᠡᠭᠡᠷ ᠲᠠᠶᠢᠨ ᠪᠤᠯ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠤ ᠬᠦᠮᠦᠵᠢᠬᠦᠯᠵᠦ ᠪᠤᠯᠪᠠᠰᠤᠷᠠᠭᠤᠯᠤᠭᠰᠠᠨ ᠂ ᠮᠤᠩᠭᠤᠯ ᠤᠨ ᠲᠠᠶᠢᠴᠢᠨ ᠪᠠᠭᠠᠳᠤᠷ ᠪᠠᠳᠤᠮᠦ᠋ᠩᠭᠡ ᠲᠠᠶᠠᠨ ᠬᠠᠭᠠᠨ ᠤ ᠵᠢᠯᠤᠭᠤᠳᠴᠤ ᠪᠠᠶᠢᠯᠳᠤᠭᠰᠠᠨ ᠲᠤᠯᠤᠯᠳᠤᠭᠠᠨ ᠶᠤᠮᠰᠠᠨ ᠃ ᠪᠠᠳᠤᠮᠦ᠋ᠩᠭᠡ ᠲᠠᠶᠠᠨ ᠬᠠᠭᠠᠨ ᠴᠠᠬᠠᠷ ᠲᠤ ᠤᠷᠳᠤᠯᠠᠨ ᠰᠠᠭᠤᠵᠦ ᠂ ᠵᠡᠬᠦᠨ ᠭᠤᠷᠪᠠᠨ ᠲᠦᠮᠡᠨ ᠢ ᠦᠪᠡᠷ ᠢᠶᠠᠨ ᠵᠠᠬᠢᠷᠤᠨ ᠪᠠᠶᠢᠪᠠ ᠃
ᠪᠠᠳᠤᠮᠦ᠋ᠩᠭᠡ ᠲᠠᠶᠠᠨ ᠬᠠᠭᠠᠨ ᠶᠡᠭᠡ ᠰᠠᠭᠤᠷᠢᠨ ᠳᠤ 38 ᠵᠢᠯ ᠰᠠᠭᠤᠵᠦ ᠂ 1517 ᠤᠨ ᠳᠤ 44 ᠲᠠᠢ ᠨᠠᠰᠣ ᠪᠠᠷᠠᠪᠠ ᠃ ︵ᠬᠠᠶᠠ ᠪᠠᠰᠠ ᠠᠳᠠᠯᠢ ᠦᠭᠡᠢ ᠨᠠᠰᠤ ᠤᠨ ᠲᠡᠮᠳᠡᠭᠯᠡᠭᠳᠡᠵᠦ ᠪᠤᠢ︶ ᠪᠠᠳᠤᠮᠦ᠋ᠩᠭᠡ ᠲᠠᠶᠠᠨ ᠬᠠᠭᠠᠨ ᠪᠤᠯ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠤ ᠲᠡᠮᠵᠢᠯᠭᠡ ᠪᠠᠷ ᠬᠠᠭᠠᠨ ᠰᠠᠭᠤᠷᠢᠨ ᠳᠤ ᠰᠠᠭᠤᠵᠦ ᠮᠤᠩᠭᠤᠯ ᠤᠨ ᠤᠯᠠᠨ ᠠᠶᠢᠮᠠᠭ ᠢ ᠲᠡᠬᠢᠨ ᠨᠢᠭᠡᠳᠭᠡᠭᠡᠳ ᠂ ᠬᠠᠭᠠᠨᠳᠤ ᠲᠦᠷᠦ ᠶᠢᠨ ᠡᠷᠭᠡ ᠶᠢ ᠲᠦᠪ ᠲᠤ ᠲᠦᠪᠯᠡᠷᠡᠭᠦᠯᠦᠨ ᠂ ᠤᠯᠤᠰ ᠲᠦᠷᠦ ᠂ ᠠᠵᠤ ᠠᠬᠤᠢ ᠂ ᠰᠤᠶᠤᠯ ᠤᠨ ᠬᠦᠭᠵᠢᠯᠳᠡ ᠶᠢ ᠠᠬᠢᠭᠤᠯᠬᠤ ᠳᠤ ᠪᠠᠯᠠᠷᠠᠰᠢ ᠦᠭᠡᠢ ᠭᠠᠪᠢᠶᠠ ᠵᠢᠳᠭᠦᠯ ᠦᠵᠡᠭᠦᠯᠦᠭᠭᠰᠡᠨ ᠶᠤᠮ ᠃ ᠲᠠᠶᠠᠠ ᠬᠠᠭᠠᠠ ᠤ ᠠᠯᠳᠠᠷ ᠨᠠᠷᠠ ᠨᠢ ᠲᠠᠷᠠ ᠦᠶᠠ ᠶᠢᠨ ᠮᠣᠩᠭᠤᠯ ᠲᠠᠶᠠᠭᠠᠷ ᠮᠠᠠᠳᠣᠠᠠᠰᠠᠠ ᠢᠶᠠᠷ ᠪᠠᠷᠬᠠᠣ ᠦᠭᠡᠢ ᠮᠢᠩ ᠤᠯᠣᠰ ᠤᠨ ᠬᠦᠮᠣᠰ ᠮᠣᠩᠭᠤᠯ ᠤᠨ ︽ᠲᠠᠬᠢᠠ ᠮᠠᠠᠳᠣᠠᠠᠰᠠᠠ ᠭᠡᠭᠡᠠ ᠡᠵᠠᠠ︾ ᠭᠡᠵᠣ ᠪᠢᠰᠢᠷᠠᠠ ᠲᠠᠭᠤᠳᠠᠳᠠᠭ ᠪᠠᠶᠢᠵᠠᠢ ᠃
ᠠᠯᠳᠠᠨ ᠲᠡᠯᠡᠬᠡᠢ ᠶᠢᠨ ᠲᠦᠭ ᠲᠦᠮᠡᠨ ᠡᠭᠡᠴᠣᠳ ᠲᠠᠢ ᠠᠳᠠᠯᠢ ᠪᠠᠷ ᠭᠡᠪᠡᠯᠢ ᠳᠡᠭᠡᠨ ᠨᠥᠭᠦᠷ ᠤᠨ ᠢᠶᠠᠨ ᠣᠳᠣᠮ ᠢ ᠠᠮᠢᠯᠠᠭᠤᠯᠵᠣ ᠂ ᠠᠯᠲᠠᠨ ᠶᠠᠰᠤᠨ ᠤ ᠬᠡᠯᠲᠡᠷᠬᠡᠢ ᠠᠯᠠᠭ ᠮᠢᠬᠠᠨ ᠤ ᠳᠠᠰᠤᠷᠬᠠᠢ ᠪᠤᠯᠭᠠᠨ ᠡᠩᠬᠦᠷᠡᠶᠢᠯᠡᠳᠡᠭ ᠲᠠᠢ ᠠᠳᠠᠯᠢ ᠪᠠᠷ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠡᠭᠡ ᠴᠣ᠋ ᠲᠡᠭᠡᠳᠦ ᠲᠡᠭᠷᠢ ᠶᠢᠨ ᠢᠪᠡᠭᠡᠯ ᠂ ᠡᠪᠦᠭᠡ ᠲᠡᠭᠡᠳᠦ ᠶᠢᠨ ᠢᠷᠦᠭᠡᠯ ᠢ ᠬᠦᠷᠳᠡᠵᠦ ᠂ ᠲᠤᠯᠤᠭᠠᠨ ᠪᠤᠯᠤᠳ ᠂ ᠭᠤᠷᠪᠠᠨ ᠦᠬᠢᠨ ᠤ ᠡᠬᠡ ᠪᠤᠯᠤᠭᠰᠠᠨ ᠶᠤᠮᠰᠠᠨ ᠃ ᠪᠢᠯᠢᠭ ᠪᠠᠭᠠᠳᠤᠷ ᠬᠤᠤᠰᠯᠠᠭᠰᠠᠨ ᠠᠭᠤᠤ ᠶᠡᠭᠡ ᠡᠭᠡ ᠶᠢᠨ ᠬᠦᠮᠦᠵᠢᠯ ᠲᠤᠤᠷᠠ ᠬᠦᠪᠡᠬᠦᠳ ᠨᠢ ᠨᠢᠭᠡᠳ ᠨᠢᠭᠡ ᠪᠠᠷ ᠢᠶᠠᠨ ᠰᠢᠯᠢᠳᠡᠭ ᠬᠠᠳ ᠪᠤᠯᠵᠤ ᠂ ᠥᠬᠢᠳ ᠨᠢ ᠴᠣ᠋ ᠰᠤᠷᠭᠠᠯ ᠰᠠᠶᠢᠳᠠᠢ ᠬᠦᠮᠦᠵᠢᠭᠳᠡᠨ ᠤᠯᠤᠰ ᠬᠦᠷᠦᠨ ᠳᠤ ᠦᠪᠡᠷ ᠦᠪᠡᠷ ᠤᠨ ᠬᠤᠪᠢ ᠨᠡᠮᠡᠷᠡᠢ ᠪᠠᠨ ᠦᠵᠡᠬᠦᠯᠦᠭᠰᠡᠨ ᠶᠤᠮ ᠡ ᠃ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠤ ᠬᠦᠦ ᠪᠡᠷᠢ ᠴᠠᠭᠠᠵᠢᠩ ᠬᠠᠳᠤᠨ ︵ᠶᠡᠭᠡ ᠬᠦᠪᠡᠬᠦᠨ ᠲᠥᠷᠥᠪᠣᠯᠣᠳ ᠤᠨ ᠬᠠᠳᠤᠨ︶ ᠴᠣ᠋ ᠭᠠᠷᠮᠠᠭᠠᠢ ᠴᠡᠷᠢᠭ ᠲᠠᠶᠢᠨ ᠤ ᠪᠠᠭᠠᠳᠤᠷ ᠪᠦᠰᠡᠬᠦᠢ ᠂ ᠬᠠᠭᠠᠨ ᠬᠦᠪᠡᠬᠦᠨ ᠢ ᠰᠤᠷᠭᠠᠨ ᠬᠦᠮᠦᠵᠢᠬᠦᠯᠦᠭᠰᠡᠨ ᠲᠦᠷᠦ ᠲᠦᠰᠢᠶᠡ ᠬᠠᠳᠤᠨ ᠡᠭᠡ ᠪᠤᠯᠵᠤ ᠪᠢᠯᠠ ᠃ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠤ ᠤᠮᠪᠤᠯᠤ ᠪᠤᠳᠢ ᠠᠯᠠᠭ ᠬᠠᠭᠠᠨ ᠴᠣ᠋ ᠰᠢᠯᠢᠳᠡᠭ ᠬᠦᠮᠦᠵᠢᠯ ᠬᠦᠷᠲᠡᠵᠡᠢ ᠃ ᠭᠤᠷᠪᠠᠳᠤᠭᠠᠷ ᠬᠦᠪᠡᠬᠦᠨ ᠪᠠᠷᠰᠪᠤᠯᠤᠳ ᠵᠢᠴᠢ ᠲᠡᠭᠦᠨ ᠤ ᠨᠡᠷᠡᠳᠦ ᠬᠦᠪᠡᠬᠦᠨ ᠠᠯᠳᠠᠨ ᠬᠠᠨ ᠪᠦᠷ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠤ ᠰᠢᠭᠤᠳ ᠬᠦᠮᠦᠵᠢᠯ ᠢ ᠬᠦᠷᠳᠡᠵᠦ ᠬᠦᠴᠦᠷᠭᠡᠭᠵᠢᠭᠰᠡᠨ ᠶᠤᠮ ᠃ ᠲᠡᠤᠭᠡᠴᠢᠳ ᠤᠨ ᠪᠦᠷᠢᠳᠭᠡᠭᠰᠡᠨ ᠢᠶᠠᠷ ᠮᠤᠩᠭᠤᠯ ᠲᠡᠪᠢᠨ ᠤᠳᠤᠭ ᠠᠶᠢᠮᠠᠭ ᠤᠨ ᠲᠤᠳᠤᠷᠠ ᠲᠡᠶᠡᠨ ᠬᠠᠭᠠᠨ ᠤ ᠬᠤᠶᠢᠴᠢᠰ ᠬᠤᠷᠢᠨ ᠬᠤᠶᠠᠷ ᠪᠠᠶᠢᠵᠦ ᠂ ᠡᠳᠡᠭᠡᠷ ᠬᠤᠶᠢᠴᠢᠰ ᠤᠨ ᠡᠬᠢᠨ ᠤ ᠦᠶᠡ ᠶᠢᠨ ᠡᠵᠡᠳ ᠨᠢ ᠪᠠᠷᠤᠭ ᠪᠦᠷ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠤ ᠦᠶᠡ ᠳᠤ ᠦᠰᠦᠨ ᠪᠤᠶᠢᠵᠢᠭᠰᠡᠨ ᠮᠦᠷᠳᠡᠭᠡᠨ ᠰᠤᠷᠭᠠᠯ ᠪᠤᠯᠪᠠᠰᠤᠷᠠᠭᠤᠯᠤᠯ ᠢ ᠨᠢ ᠬᠦᠷᠳᠡᠭᠰᠡᠨ ᠪᠥᠭᠡᠳ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠤ ᠰᠤᠷᠭᠠᠨ ᠬᠦᠮᠦᠵᠢᠯ ᠦᠢᠯᠡ ᠠᠵᠢᠯᠯᠠᠭᠠ ᠶᠢᠨ ᠨᠦᠯᠦᠭᠡ ᠪᠠᠷ ᠬᠦᠮᠦᠵᠢᠭᠳᠡᠭᠰᠡᠨ ᠨᠢ ᠮᠠᠷᠭᠤᠰᠢ ᠦᠭᠡᠢ ᠶᠤᠮ ᠃ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠪᠤᠯ ᠬᠡᠳᠦᠨ ᠦᠶᠡ ᠶᠢᠨ ᠬᠠᠭᠠᠳ ᠤᠨ ᠦᠷᠠᠰ ᠢ ᠱᠤᠭᠤᠨ ᠪᠤᠰᠬᠠᠭᠰᠠᠨ ᠭᠠᠷᠮᠠᠭᠠᠢ ᠰᠤᠷᠭᠠᠭᠴᠢ ᠂ ᠰᠢᠯᠢᠳᠡᠭ ᠪᠠᠭᠰᠢᠳᠠᠨ ᠮᠦᠨ ᠃
ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠪᠤᠯ ᠪᠦᠳᠦᠨ ᠬᠠᠶᠢᠷᠠ ᠶᠢᠨ ᠪᠦᠰᠡᠬᠦᠢ ᠨᠠᠷᠠ ᠪᠠᠶᠢᠭᠰᠠᠨ ᠶᠤᠮ︕ ᠬᠠᠷᠠᠩᠭᠤᠢ ᠶᠢ ᠬᠡᠶᠢᠬᠦᠯᠬᠦ ᠪᠠᠷ ᠰᠠᠴᠤᠷᠠᠭᠰᠠᠨ ᠭᠡᠷᠡᠯ ᠢᠯᠴᠢ ᠪᠠᠶᠢᠭᠰᠠᠨ ᠶᠤᠮ ᠃ ᠬᠠᠵᠠᠶᠢᠭᠰᠠᠨ ᠲᠦᠷᠦ ᠶᠢ ᠲᠦᠰᠢᠵᠦ ᠴᠣᠭᠴᠠᠯᠠᠭᠰᠠᠨ ᠬᠠᠭᠠᠨ ᠬᠠᠳᠤᠨ ᠪᠠᠶᠢᠭᠰᠠᠨ ᠶᠤᠮ ᠃ ᠬᠠᠮᠤᠭ ᠮᠤᠩᠭᠤᠯ ᠢ ᠲᠡᠬᠢᠨ ᠨᠢᠭᠡᠳᠭᠡᠭᠰᠡᠨ ᠬᠠᠳᠤᠨ ᠬᠠᠭᠠᠨ ᠪᠠᠶᠢᠭᠰᠠᠨ ᠶᠤᠮ ᠃ ᠨᠢᠭᠡᠨ ᠪᠦᠰᠡᠬᠦᠢ ᠬᠦᠮᠦᠨ ᠵᠠᠯᠠᠭᠤ ᠨᠠᠰᠤᠨ ᠤ ᠢᠨᠠᠭ ᠲᠤᠷᠠᠯᠠᠯ ᠢᠶᠠᠨ ᠦᠷᠡᠭᠳᠡᠬᠦᠯᠦᠨᠡ ᠭᠡᠵᠦ ᠶᠠᠭᠤᠳᠠᠢ ᠡᠮᠵᠡᠭ︖ ᠠᠮᠢ ᠨᠠᠰᠤ ᠡᠷᠭᠢᠮ ᠭᠡᠬᠦ ᠳᠤ ᠲᠤᠷᠯᠠᠯ ᠬᠠᠶᠢᠷᠠ ᠨᠡᠩ ᠡᠷᠬᠢᠮ ᠭᠡᠳᠡᠭ ᠪᠢᠯᠠ ᠃ ᠨᠢᠭᠡᠨ ᠬᠠᠳᠤᠨ ᠬᠦᠮᠦᠨ ᠠᠮᠤᠷ ᠵᠢᠷᠭᠠᠯ ᠢᠶᠠᠨ ᠲᠠᠶᠠᠭᠳᠠᠨᠠ ᠭᠡᠭᠴᠢ ᠶᠠᠭᠠᠬᠢᠭᠰᠠᠨ ᠬᠠᠶᠢᠷᠠᠬᠠᠨ︖ ᠴᠢᠩᠬᠢᠰ ᠬᠠᠭᠠᠨ ᠤ ᠠᠯᠳᠠᠨ ᠤᠷᠤᠭᠳᠠᠨ ᠤ ᠲᠦᠷᠦ ᠶᠢᠨ ᠡᠷᠭᠡ ᠶᠢᠨ ᠲᠦᠯᠦᠭᠡ ᠂ ᠲᠤᠬᠠᠢ ᠶᠢᠨ ᠠᠬᠤᠢ ᠤᠷᠴᠢᠨ ᠳᠤ ᠠᠮᠢᠳᠤᠷᠠᠵᠦ ᠪᠠᠶᠢᠭᠰᠠᠨ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠠᠷᠠᠳ ᠲᠦᠮᠡᠨ ᠤ ᠠᠮᠤᠷ ᠵᠢᠷᠭᠠᠯ ᠤᠨ ᠲᠦᠯᠦᠭᠡ ᠂ ᠠᠯᠢᠪᠠ ᠡᠷᠬᠢᠮ ᠨᠠᠨᠳᠢᠨ ᠵᠤᠶᠢᠯᠡᠰ ᠢᠶᠠᠨ ᠬᠠᠷᠠᠮ ᠦᠭᠡᠢ ᠬᠠᠶᠠᠵᠦ ᠂ ᠴᠢᠨᠠᠭᠰᠢᠯᠠᠨ ᠠᠮᠢ ᠪᠠᠶᠠ ᠪᠠᠨ ᠴᠦᠯᠡᠨ ᠵᠢᠳᠭᠦᠭᠰᠡᠨ ᠠᠴᠢ ᠭᠠᠪᠢᠶᠠ ᠶᠢ ᠴᠢᠨᠢ ᠦᠷᠡ ᠬᠤᠶᠢᠴᠢᠰ ᠪᠠ ᠦᠤᠭᠡ ᠲᠡᠤᠭᠡ ᠮᠡᠷᠳᠠᠬᠤ ᠶᠤᠰᠤ ᠦᠭᠡᠢ ᠶᠤᠮ ᠡ ᠃ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠤ ᠳᠡᠮᠵᠢᠯᠭᠡ ᠪᠠᠷ ᠪᠠᠳᠤᠮᠦ᠋ᠩᠭᠡ ᠳᠠᠶᠠᠨ ᠬᠠᠭᠠᠨ ᠪᠦᠬᠦ ᠮᠣᠩᠭᠤᠯ ᠤᠯᠤᠰ ᠢᠶᠠᠨ ᠨᠢᠭᠡᠳᠭᠡᠨ ᠵᠠᠬᠢᠷᠴᠤ ᠂ ᠵᠢᠷᠭᠤᠭᠠᠨ ᠲᠦᠭ ᠲᠦᠮᠡᠨ ᠢ ᠡᠮᠬᠢᠯᠡᠨ ᠴᠤᠭᠯᠠᠭᠤᠯᠵᠤ ᠂ ᠡᠩᠭᠡᠵᠢᠨ ᠵᠢᠷᠭᠠᠭᠤᠯᠤᠭᠰᠠᠨ ᠪᠢᠯᠠ ᠃ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠮᠢᠨᠢ ᠮᠣᠩᠭᠤᠯ ᠬᠦᠮᠦᠨ ᠪᠦᠷᠢ ᠶᠢᠨ ᠪᠠᠭ᠋ᠠᠷᠬᠠᠯ ᠂ ᠮᠣᠩᠭᠤᠯ ᠪᠦᠰᠡᠬᠦᠶᠢᠴᠤᠳ ᠤᠨ ᠦᠯᠢᠭᠡᠷ ᠵᠢᠱᠢᠶᠡᠳᠡᠨ ᠶᠤᠮ ᠃ 1467 ᠤᠨ ᠳᠤ ᠮᠠᠨᠳᠤᠭᠤᠯ ᠬᠠᠭᠠᠨ ᠨᠠᠰᠤ ᠨᠦᠭᠴᠢᠭᠰᠡᠨ ᠠᠴᠠ ᠬᠤᠶᠢᠰᠢ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠲᠦᠷᠦ ᠪᠠᠷᠢᠵᠦ ᠵᠠᠰᠠᠭ ᠶᠠᠪᠤᠭᠤᠯᠤᠭᠰᠠᠨ ᠠᠴᠠ1505 ᠤᠨ ᠳᠤ ᠪᠠᠳᠤᠮᠦ᠋ᠩᠭᠡ ᠳᠠᠶᠠᠨ ᠬᠠᠭᠠᠨ ᠳᠤ ᠲᠦᠷᠦ ᠶᠢᠨ ᠡᠷᠭᠡ ᠶᠢ ᠪᠦᠷᠢᠮᠦᠰᠦᠨ ᠲᠤᠰᠢᠶᠠᠨ ᠦᠭᠬᠦᠭᠰᠡᠨ ᠢᠶᠠᠷ ᠪᠤᠳᠤᠪᠠᠯ ᠂ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ 38 ᠵᠢᠯ ᠤᠨ ᠤᠷᠳᠤ ᠬᠤᠭᠤᠴᠠᠭᠠ ᠪᠠᠷ ᠶᠡᠭᠡ ᠮᠣᠩᠭᠤᠯ ᠤᠨ ᠲᠦᠷᠦ ᠶᠢ ᠲᠦᠪᠬᠢᠨᠡᠭᠦᠯᠦᠨ ᠪᠠᠷᠢᠭᠰᠠᠨ ᠭᠠᠶᠢᠬᠠᠮᠰᠢᠭᠳᠤ ᠡᠮᠡᠭᠲᠡᠢ ᠶᠤᠮ ᠃ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠢ 1526 ᠣᠨ ᠤ ᠤᠯᠠᠭᠠᠨ ᠨᠣᠬᠠᠢ ᠵᠢᠯ ᠂ 78 ᠨᠠᠰᠤ ᠲᠠᠢ ᠳᠠᠭᠠᠨ ᠲᠠᠭᠠᠯᠠᠯ ᠲᠡᠭᠦᠰᠦᠭᠰᠡᠨ ᠭᠡᠵᠦ ᠦᠵᠡᠳᠡᠭ ᠃
ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠤ ᠨᠢᠭᠡ ᠨᠠᠰᠤ ᠪᠤᠯ ᠤᠯᠤᠰ ᠲᠦᠷᠦᠴᠢ ᠨᠢᠭᠡ ᠨᠠᠰᠤ ᠃ ᠲᠡᠤᠭᠡᠨ ᠠᠯᠳᠠᠷᠳᠤ ᠡᠷᠳᠡᠮᠳᠡᠳ ᠠᠴᠠ ︽ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠲᠡᠤᠭᠡᠨ ᠳᠠᠬᠢ ᠬᠤᠶᠠᠳᠡᠬᠢ ᠤᠳᠠᠭᠠᠨ ᠤ ᠨᠢᠭᠡᠳᠦᠯ ᠤᠨ ᠶᠡᠭᠡ ᠭᠠᠪᠢᠶᠠ ᠵᠢᠳᠭᠦᠯ ᠪᠤᠯ ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠤ ᠬᠢ ᠁ ᠲᠡᠷᠡ ᠵᠠᠰᠠᠭ ᠤᠨ ᠶᠠᠪᠤᠳᠠᠯ ᠲᠡᠭᠡᠷᠡ ᠤᠭᠳᠤᠬᠠᠨ ᠴᠣ᠋ ᠠᠯᠳᠠᠰᠢ ᠭᠠᠷᠭᠠᠭᠰᠠᠨ ᠦᠭᠡᠢ ᠶᠤᠮ ᠃ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠲᠡᠤᠭᠡᠨ ᠲᠡᠭᠡᠷᠡ ᠴᠢᠩᠬᠢᠰ ᠬᠠᠭᠠᠨ ᠤ ᠲᠠᠷᠠᠭᠠᠬᠢ ᠬᠤᠶᠠᠳᠠᠭᠴᠢ ᠠᠯᠳᠠᠷ ᠴᠣᠣ ᠲᠠᠢ ᠲᠤᠮᠤᠬᠠᠨ ᠵᠢᠳᠭᠦᠯᠳᠡᠨ ᠮᠦᠨ︾ ᠭᠡᠵᠦ ᠦᠨᠳᠦᠷ ᠦᠨᠡᠯᠡᠭᠰᠡᠭᠡᠷ ᠢᠷᠡᠵᠡᠢ ᠃ ︽ᠤᠮᠠᠷᠠᠳᠤ ᠶᠤᠸᠠᠨ ᠤᠯᠤᠰ ᠤᠨ ᠲᠡᠤᠭᠡ ᠶᠢᠨ ᠰᠢᠨᠡ ᠰᠦᠪᠡᠭᠴᠢᠯᠡᠯ︾ ᠭᠡᠳᠡᠭ ᠨᠤᠮ ᠳᠤ ︽ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠳᠤᠨ ᠤᠮᠠᠷᠠᠳᠤ ᠶᠤᠸᠠᠨ ᠤᠯᠤᠰ ᠤᠨ ᠦᠶᠡ ᠶᠢᠨ ᠮᠤᠩᠭᠤᠯ ᠨᠠᠶᠢᠭᠡᠮ ᠤᠨ ᠬᠠᠭᠠᠴᠠᠯ ᠵᠠᠳᠠᠷᠠᠯ ᠲᠠᠶᠢᠨ ᠪᠠᠶᠢᠯᠳᠤᠭᠠᠨ ᠳᠤ ᠤᠷᠤᠰᠢᠨ ᠪᠦᠬᠦᠢ ᠲᠡᠤᠭᠡ ᠶᠢᠨ ᠲᠦᠭᠰᠢᠭᠦᠷᠢᠳᠤ ᠴᠠᠭ ᠦᠶᠡ ᠳᠤ ᠰᠢᠭᠤᠷᠬᠠᠢ ᠵᠤᠷᠢᠭ ᠢᠶᠠᠷ ᠲᠦᠷᠦ ᠬᠦᠷᠦᠨ ᠢ ᠠᠶᠤᠯ ᠲᠦᠭᠰᠢᠭᠦᠷᠢ ᠠᠴᠠ ᠠᠪᠤᠷᠠᠬᠤ ᠴᠢᠬᠤᠯᠠ ᠡᠭᠦᠷᠭᠡ ᠶᠢ ᠡᠭᠦᠷᠭᠡᠯᠡᠵᠦ ᠂ ᠪᠠᠶᠠ ᠪᠠᠷ ᠢᠶᠠᠨ ᠴᠡᠷᠢᠭ ᠲᠠᠶᠢᠴᠢᠯᠠᠵᠦ ᠂ ᠲᠡᠷᠢᠬᠦᠯᠡᠨ ᠭᠠᠪᠰᠢᠭᠠᠶᠢᠯᠠᠵᠦ ᠲᠤᠰᠠᠭᠠᠷᠯᠠᠬᠤ ᠬᠦᠴᠦᠨ ᠢ ᠲᠦᠪᠰᠢᠳᠭᠡᠵᠦ ᠂ ᠵᠠᠭᠤ ᠭᠠᠷᠤᠢ ᠵᠢᠯ ᠤᠨ ᠬᠠᠭᠠᠴᠠᠯ ᠵᠠᠳᠠᠷᠠᠯ ᠢ ᠡᠴᠤᠰᠯᠠᠭᠦᠯᠵᠦ ᠂ ᠮᠤᠩᠭᠤᠯ ᠤᠷᠤᠨ ᠢ ᠲᠡᠬᠢᠨ ᠨᠢᠭᠡᠳᠭᠡᠵᠦ ᠂ ᠨᠠᠶᠢᠭᠡᠮ ᠢ ᠠᠮᠤᠷ ᠳᠤᠭᠲᠠᠭᠤᠨ ᠪᠤᠯᠭᠠᠪᠠ ᠃ ᠲᠡᠷᠡ ᠰᠡᠷᠭᠦᠯᠡᠩ ᠤᠬᠠᠭᠠᠨ ᠰᠡᠴᠡᠨ ᠪᠤᠳᠤᠯᠭᠠ ᠪᠠᠷ ᠲᠦᠷᠦ ᠶᠢᠨ ᠦᠭᠡᠷᠡᠴᠢᠯᠠᠯᠳᠠ ᠬᠢᠵᠦ ᠂ ᠠᠵᠤ ᠠᠬᠤᠢ ᠪᠠᠨ ᠬᠥᠭᠵᠢᠭᠦᠯᠦᠨ ᠂ ᠲᠦᠷᠦ ᠵᠠᠰᠠᠭ ᠢ ᠴᠡᠭᠴᠡᠯᠡᠭᠰᠡᠨ ᠠᠴᠠ ᠤᠮᠠᠷᠠᠳᠤ ᠶᠤᠸᠠᠨ ᠤ ᠰᠡᠭᠦᠯᠴᠢ ᠶᠢᠨ ᠵᠠᠭᠤ ᠭᠠᠷᠤᠢ ᠵᠢᠯ ᠤᠨ ᠲᠦᠪᠰᠢᠷᠠᠯ ᠪᠡ ᠬᠦᠭᠵᠢᠯ ᠳᠤ ᠯᠠᠪᠳᠠᠭᠤᠨ ᠪᠠᠳᠤᠳᠠᠢ ᠰᠠᠭᠤᠷᠢ ᠲᠠᠯᠪᠢᠵᠠᠢ ᠃ ᠲᠡᠷᠡ ᠪᠤᠯ ᠮᠤᠩᠭᠤᠯ ᠤᠨ ᠲᠡᠤᠭᠡᠨ ᠲᠡᠭᠡᠷᠡ ᠠᠯᠳᠠᠷ ᠭᠠᠪᠢᠶᠠ ᠦᠯᠡᠮᠵᠢ ᠵᠢᠳᠭᠦᠯ ᠢᠶᠠᠷ ᠴᠢᠩᠬᠢᠰ ᠬᠠᠭᠠᠨ ᠤ ᠲᠠᠷᠠᠭᠠ ᠤᠷᠤᠬᠤ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠬᠤᠶᠠᠳᠤᠭᠠᠷ ᠪᠠᠭᠠᠳᠤᠷ ᠪᠤᠯᠤᠨᠠ︾ ᠭᠡᠵᠡᠢ ᠃
ᠮᠣᠩᠭᠤᠯ ᠤᠯᠤᠰ ᠤᠨ ᠠᠯᠳᠠᠷᠳᠤ ᠢᠷᠠᠭᠤ ᠨᠠᠶᠢᠷᠠᠭᠴᠢ ᠴᠤᠶᠢᠨᠤᠮ ︽ᠮᠣᠩᠭᠤᠯ ᠪᠦᠰᠡᠭᠦᠢ︾ ᠬᠡᠮᠡᠬᠦ ᠰᠢᠯᠦᠭ ᠲᠡᠭᠡᠨ᠄
︽ᠰᠢᠯᠤᠭᠤᠨ ᠪᠤᠰᠤ ᠠᠳᠠᠷᠠᠮᠠ ᠲᠠᠢ ᠲᠡᠤᠬᠡ ᠶᠢᠨ
ᠴᠢᠯᠠᠭᠤᠨ ᠬᠠᠭᠤᠳᠠᠰᠤ ᠨᠤᠭᠤᠳ ᠡᠷᠭᠢᠵᠤ ᠪᠠᠶᠢᠬᠤ ᠳᠤ
ᠬᠠᠯᠠᠭᠤᠨ ᠲᠡᠮᠡᠴᠡᠯ ᠤᠨ ᠲᠤᠭᠤᠰᠤᠨ ᠳᠤᠮᠳᠠ
ᠪᠦᠯᠢᠶᠡᠨ ᠴᠢᠰᠤ ᠠᠰᠬᠠᠷᠠᠵᠤ ᠪᠠᠶᠢᠬᠤ ᠳᠤ
ᠮᠣᠷᠢᠨ ᠴᠡᠷᠢᠭ ᠤᠨ ᠰᠡᠲᠡᠷᠡᠭᠰᠡᠨ ᠡᠩᠨᠡᠭᠡ ᠶᠢ
ᠮᠣᠩᠭᠤᠯ ᠪᠦᠰᠡᠭᠦᠢ ᠨᠦᠬᠦᠵᠦ ᠶᠠᠪᠤᠭᠰᠠᠨ ᠶᠤᠮ ᠂
ᠬᠠᠶᠢᠷᠠᠳᠤ ᠶᠢ ᠪᠠᠨ ᠲᠡᠪᠡᠷᠢᠳᠡᠭ ᠤᠶᠠᠬᠠᠨ ᠭᠠᠷ ᠢᠶᠠᠷ ᠢᠶᠠᠨ
ᠬᠠᠳᠠ ᠲᠠᠢ ᠰᠡᠯᠡᠮᠡ ᠠᠳᠬᠤᠵᠤ ᠶᠠᠪᠤᠭᠰᠠᠨ ᠶᠤᠮ ᠂
ᠬᠠᠷᠠ ᠬᠢᠯᠢᠩ ᠭᠡᠵᠢᠭᠡ ᠪᠠᠨ ᠰᠢᠭᠤᠵᠤ
ᠬᠠᠵᠢ ᠮᠦᠩᠭᠦᠨ ᠳᠤᠭᠤᠯᠠᠭᠠ ᠪᠠᠷ ᠳᠠᠷᠤᠭᠤᠯᠵᠤ
ᠨᠠᠶᠢᠷ ᠨᠠᠭᠠᠳᠤᠮ ᠤᠨ ᠭᠤᠶᠤᠯ ᠤᠨ ᠳᠤᠷᠳᠤᠩ ᠳᠤ
ᠨᠠᠶᠢᠷ ᠤᠨ ᠭᠢᠯᠳᠠᠩ ᠬᠤᠶᠠᠭ ᠲᠠᠭᠠᠷᠠᠭᠤᠯᠵᠤ
ᠰᠠᠭᠠᠯᠢ ᠶᠢᠨ ᠬᠤᠪᠢᠩ ᠪᠠᠷᠢᠳᠠᠭ ᠭᠠᠷ ᠲᠠᠭᠠᠨ
ᠰᠠᠷᠠᠨ ᠳᠤᠭᠤᠷᠢᠭ ᠪᠠᠮᠪᠠᠢ ᠠᠳᠬᠤᠵᠤ
ᠢᠰᠭᠡᠷᠦᠭᠡᠳ ᠢᠷᠡᠬᠦ ᠭᠢᠯᠪᠡᠷᠲᠦ ᠰᠤᠮᠤ ᠶᠢ
ᠢᠷᠮᠡᠬᠦ ᠴᠦ ᠦᠭᠡᠢ ᠰᠦᠷᠴᠦ ᠶᠠᠪᠤᠭᠰᠠᠨ ᠶᠤᠮ︾ ᠬᠡᠮᠡᠨ ᠮᠠᠭᠳᠠᠨ ᠰᠢᠯᠦᠭᠯᠡᠭᠰᠡᠨ ᠪᠠᠶᠢᠳᠠᠭ ᠃
ᠯᠠᠪᠯᠠᠯᠲᠠ ᠪᠣᠯᠭᠠᠮᠤ ♣
相关资料仅供参考 ♣
Зөвхөн лавлалт болгому ♣
Reference
蒙ICP备15000708号-1 阿启泰科技版权所有
