ᠣᠪᠣᠭᠠᠨ ᠳᠠᠬᠢᠯᠭᠠ ᠪᠣᠯ ᠮᠠᠨ ᠤ ᠮᠣᠩᠭ᠋ᠣᠯᠴᠤᠳ ᠤᠨ ᠡᠷᠲᠡ ᠳᠡᠭᠡᠳᠥ ᠥᠶᠡ ᠠᠴᠠ ᠣᠯᠠᠮᠵᠢᠯᠠᠵᠥ ᠢᠷᠡᠭᠰᠡᠨ ᠲᠡᠭᠷᠢᠯᠢᠭ ᠰᠢᠳᠥᠭᠡᠨ ᠪᠣᠯᠣᠨᠠ︕ ᠠᠷᠪᠠᠨ ᠭᠤᠷᠪᠠᠳᠣᠭᠠᠷ ᠵᠠᠭᠤᠨ ᠤ ᠥᠶᠡ ᠳᠤ ᠠᠭᠤᠯᠨ ᠬᠠᠶᠢᠷᠬᠠᠨ ᠢᠶᠠᠨ ᠳᠠᠬᠢᠵᠥ ᠪᠠᠢᠭᠰᠠᠨ ᠭᠡᠳᠡᠭ᠌ ᠢ《 ᠮᠣᠩᠭᠤᠯ ᠤᠨ ᠨᠢᠭᠤᠴᠠ ᠳᠣᠪᠴᠢᠶᠠᠨ》 ᠠᠴᠠ ᠮᠡᠳᠡᠵᠥ ᠪᠣᠯᠣᠨᠠ ᠃
ᠳᠣᠣᠷᠠ ᠳᠥᠭᠦᠮᠬᠡᠨ ᠡᠰᠢ ᠲᠠᠲᠠᠶᠡ︕ ᠲᠡᠮᠥᠵᠢᠨ ᠭᠤᠷᠪᠠᠨ ᠮᠡᠷᠭᠢᠳ ᠤᠨ ᠳᠣᠪᠲᠣᠯᠣᠭᠠᠨ ᠠᠴᠠ ᠲᠣᠲᠠᠭᠠᠨ ᠪᠣᠷᠬᠠᠨ ᠬᠠᠯᠳᠣᠨ ᠠᠭᠤᠯᠠᠨ ᠳ᠋ᠤ ᠨᠢᠭᠤᠨ ᠰᠠᠭᠤᠵᠥ ᠠᠶᠣᠯ ᠠᠴᠠ ᠵᠠᠶᠢᠯᠠᠭᠰᠡᠨ ᠤ ᠳᠠᠷᠠᠭᠠ ᠪᠠᠭᠤᠵᠥ ᠢᠷᠡᠭᠡᠳ ᠡᠪᠴᠢᠭᠦᠣ ᠪᠠᠨ ᠳᠡᠯᠡᠳᠴᠥ ᠥᠭᠦᠯᠡᠷᠣᠨ 《 ᠪᠣᠷᠬᠠᠨ ᠬᠠᠯᠳᠣᠨ ᠠᠭᠤᠯᠨ ᠶᠢ ᠥᠷᠯᠥᠭᠡ ᠪᠥᠷᠢ ᠮᠢᠯᠢᠶᠠᠶᠡ ᠡᠳᠣᠷ ᠪᠥᠷᠢ ᠥᠴᠢᠶᠡ ᠥᠶᠡ ᠶᠢᠨ ᠥᠶᠡ ᠳᠡᠭᠡᠨ ᠥᠨᠢᠳᠡ ᠲ᠋ᠠᠬᠢᠶᠡ 》 ᠬᠡᠮᠡᠨ ᠪᠥᠰᠨ ᠪᠠᠨ ᠬᠥᠵᠥᠭᠦᠨ ᠳᠡᠭᠡᠨ ᠡᠭᠡᠯᠳᠥᠷᠭᠡᠯᠡᠵᠥ᠂ ᠮᠠᠯᠠᠭᠠᠢ ᠪᠠᠨ ᠭᠠᠷ ᠳᠠᠭᠠᠨ ᠰᠡᠭᠡᠯᠳᠥᠷᠭᠡᠯᠡᠵᠥ ᠂ ᠭᠠᠷ ᠢᠶᠠᠷ ᠢᠶᠠᠨ ᠡᠪᠴᠢᠭᠦᠣ ᠪᠠᠨ ᠳᠠᠷᠣᠵᠥ ᠂ ᠨᠠᠷᠠᠨ ᠥᠭᠡᠳᠠ ᠬᠠᠨᠳᠣᠨ ᠰᠥᠭᠦᠳᠴᠥ ᠂ ᠶᠢᠰᠥᠨᠲᠡ ᠮᠥᠷᠭᠦᠵᠥ ᠂ ᠰᠡᠷᠵᠢᠮ ᠡᠷᠭᠦᠨ ᠵᠠᠯᠪᠢᠷᠠᠨ ᠳᠠᠭᠠᠳᠬᠠᠪᠠ ᠬᠡᠮᠡᠨ ᠪᠢᠴᠢᠵᠥ ᠪᠠᠶᠢᠳᠠᠭ ᠃ ᠡᠶᠢᠮᠥ ᠠᠴᠠ ᠮᠠᠨ ᠮᠣᠩᠭ᠋ᠣᠯᠴᠤᠳ ᠳᠠᠭᠡᠳᠥᠰ ᠤᠨ ᠢᠶᠠᠨ ᠠᠨᠳᠠᠭᠠᠢ ᠲᠠᠩᠭᠠᠷᠢᠭ ᠢ ᠣᠳᠣ ᠪᠣᠯᠲᠠᠯᠠ ᠵᠢᠷᠣᠮᠯᠠᠨ ᠳᠠᠭᠠᠵᠥ ᠂ ᠶᠣᠰᠣᠴᠢᠯᠠᠨ ᠪᠡᠶᠡᠯᠡᠭᠦᠯᠵᠥ ᠶᠠᠪᠣᠭᠠ ᠪᠣᠯᠪᠠᠰᠣᠨ ᠰᠠᠶᠢᠬᠠᠨ ᠰᠣᠶᠣᠯ ᠲᠠᠢ ᠥᠨᠳᠣᠰᠥᠲᠡᠨ ᠶᠣᠮ ᠃ ᠡᠬᠡ ᠪᠠᠶᠢᠭᠠᠯᠢ ᠂ ᠡᠴᠢᠭᠡ ᠲᠡᠭᠷᠢ ᠢᠶᠠᠨ ᠳᠡᠭᠡᠳᠥᠯᠡᠨ ᠰᠢᠳᠣᠵᠣ ᠂ ᠪᠠᠶᠢᠭᠠᠯᠢ ᠳᠡᠯᠡᠬᠡᠢ ᠪᠠᠨ ᠠᠮᠢ ᠲᠠᠢ ᠪᠠᠨ ᠬᠤᠯᠪᠣᠭᠰᠡᠨ ᠡᠶᠢᠮᠥ ᠪᠣᠯᠪᠠᠰᠣᠨ ᠥᠨᠳᠣᠰᠣᠲᠡᠨ ᠤ ᠲᠡᠣᠬᠡ ᠶᠢ ᠣᠪᠣᠭᠠᠨ ᠳᠠᠬᠢᠯᠭᠠ ᠡᠴᠡ ᠨᠢ ᠣᠯᠵᠥ ᠬᠠᠷᠠᠬᠤ ᠪᠣᠯᠣᠨᠠ ᠃
1947 ᠣᠨ ᠤ 7 ᠰᠠᠷᠠ ᠶᠢᠨ 1 ᠳᠤ ᠡᠪ ᠬᠠᠮᠲᠥ ᠨᠠᠮ ᠤᠨ ᠣᠳᠣᠷᠢᠳᠣᠯᠭᠠ ᠳᠤ ᠣᠷᠣᠵᠥ ᠦᠨᠳᠦᠰᠦᠲᠡᠨ ᠤ ᠣᠷᠣᠨ ᠤ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠵᠠᠮ ᠢᠶᠠᠷ ᠵᠠᠮᠨᠠᠵᠥ ᠂ ᠠᠷᠪᠠᠨ ᠵᠢᠯ ᠤᠨ ᠰᠠᠮᠠᠭᠤᠷᠠᠯ ᠳᠤ ᠣᠪᠣᠭᠠ ᠪᠣᠯᠠᠭ᠂ ᠰᠥᠮᠡ ᠬᠡᠶᠢᠳ ᠢᠶᠠᠨ ᠣᠬᠤᠭᠤᠯᠵᠥ ᠂ ᠪᠠᠯᠪᠠᠴᠢᠭᠤᠯᠠᠵᠥ ᠲᠡᠣᠬᠡ ᠳᠣᠷᠠᠰᠬᠠᠯ ᠂ ᠬᠡᠯᠨ ᠰᠣᠶᠣᠯ ᠢᠶᠡᠨ ᠳᠠᠯᠬᠢᠭᠤᠯᠵᠥ ᠂ ᠣᠬᠠᠭᠠᠲᠠᠢ ᠂ ᠰᠡᠬᠡᠭᠡᠲᠠᠢ ᠨᠦᠭᠦᠳ ᠢᠶᠠᠨ ᠠᠯᠠᠭᠤᠯᠠᠵᠥ ᠣᠳᠣ ᠪᠣᠯᠬᠤ ᠳ᠋ᠤ ᠨᠢ ᠠᠶᠣᠮᠬᠠᠢ ᠂ ᠥᠭᠡᠨᠴᠡ ᠰᠡᠬᠡᠲᠡᠳ ᠲᠡᠷᠭᠡᠨ ᠤ ᠡᠯᠵᠢᠭᠡ ᠰᠢᠭ᠌ ᠳᠠᠰᠢᠭᠤᠷᠳᠠᠬᠤ ᠲᠣᠲᠣᠮ ᠵᠢᠷᠤᠭᠠ ᠬᠥᠮᠤᠰ ᠲᠡᠣᠬᠡ ᠰᠣᠶᠣᠯ ᠳᠠᠭᠠᠨ ᠬᠤᠯᠢᠶᠡ ᠬᠢᠳᠡᠭ ᠪᠣᠯᠵᠡᠢ︕
ᠣᠷᠴᠢᠮ ᠤᠨ ᠵᠢᠯ ᠠᠴᠠ ᠶᠠᠭᠤᠮᠠ ᠡᠯᠪᠡᠭ ᠪᠣᠯᠣᠭᠰᠡᠨ { ᠬᠠᠭᠤᠷᠮᠠᠭ ᠭᠤᠣᠯᠲᠠᠢ } ᠠᠴᠠ ᠮᠠᠨ ᠤ ᠬᠢᠨ ᠣᠪᠣᠭᠠ ᠪᠣᠯᠠᠭ ᠂ ᠠᠭᠤᠯᠨ ᠬᠠᠶᠢᠷᠬᠠᠨ ᠢᠶᠠᠨ ᠣᠭᠤᠲᠠ ᠲᠠᠢ ᠰᠦ᠋ ᠪᠠᠷ ᠣᠬᠢᠶᠠᠳᠠᠭ ᠪᠣᠯᠵᠥ ᠶᠣᠰᠣᠲᠠᠢ ᠨᠢᠭᠡ ᠴᠠᠭᠠᠨ ᠰᠥᠨ ᠤ ᠥᠯᠥᠭᠡᠢ ᠭᠡᠳᠡᠭ ᠢᠶᠠᠨ ᠭᠠᠶᠢᠬᠠᠭᠤᠯᠵᠥ ᠪᠠᠶᠢᠭᠠ ᠶᠣᠮ ᠰᠢᠭ ᠂ ᠪᠠᠶᠠᠨ ᠢᠶᠡᠨ ᠭᠠᠶᠢᠬᠠᠭᠤᠯᠵᠥ ᠰᠣᠷᠲᠣᠭᠠᠯᠠᠵᠥ ᠪᠠᠶᠢᠭᠠ ᠴᠤ ᠶᠣᠮ ᠰᠢᠭ ᠬᠠᠷᠠᠭᠳᠠᠬᠤ ᠯᠡ ᠶᠣᠮ ᠂ ᠮᠣᠩᠭᠤᠯᠴᠤᠳ ᠬᠠᠮᠤᠭ ᠬᠥᠴᠥᠷᠬᠡᠭ ᠥᠶᠡ ᠳᠡᠭᠡᠨ ᠴᠢᠩᠭᠢᠰ ᠪᠣᠭᠳᠠ ᠴᠤ ᠰᠡᠷᠵᠢᠮᠯᠡᠳᠡᠭ ᠪᠠᠢᠭᠰᠠᠨ ᠠᠴᠠ ᠰᠠᠴᠤᠳᠠᠭ ᠪᠠᠶᠢᠭᠠ ᠥᠭᠡᠢ ᠰᠢᠥ︕ ᠮᠣᠩᠭ᠋ᠣᠯᠴᠤᠳ ᠰᠦ᠋ ᠶᠢ ᠠᠷᠢᠭᠤᠨ ᠴᠠᠭᠠᠨ ᠤ ᠪᠡᠯᠡᠭ ᠲᠡᠮᠳᠡᠭ ᠭᠡᠵᠥ ᠬᠥᠨᠳᠥᠯᠡᠨ ᠥᠵᠡᠵᠥ ᠳᠠᠬᠢᠯᠭᠠ ᠲᠠᠶᠢᠯᠠᠯᠭᠠ ᠳᠤ ᠬᠠᠮᠤᠭ ᠣᠷᠢᠳᠠ ᠪᠠᠷ ᠰᠡᠷᠵᠢᠮ ᠡᠷᠭᠦᠳᠡᠭ ᠶᠣᠮ ᠪᠠᠶᠢᠨᠠ ᠂ ᠰᠡᠷᠵᠢᠮ ᠭᠡᠳᠡᠭ ᠪᠣᠯ ᠰᠦ᠋ ᠪᠣᠶᠣ ᠰᠠᠭᠠᠯᠢ ᠶᠢᠨ ᠠᠷᠢᠬᠢᠨ ᠳᠤ ᠢᠳᠠᠮ ᠬᠤᠷᠣᠭᠤ ᠢᠶᠠᠨ ᠳᠥᠷᠢᠵᠥ ᠢᠳᠠᠮᠯᠠᠨ ᠡᠷᠭᠦᠬᠦ ᠶᠢ ᠬᠡᠯᠡᠨᠡ︕ ᠮᠠᠨ ᠤ ᠪᠣᠳᠣᠬᠤ ᠪᠠᠷ ᠰᠦ᠋ ᠪᠠᠨ ᠶᠡᠭᠡ ᠰᠠᠴᠣᠴᠢᠬᠠᠪᠡᠯ ᠰᠠᠨᠠᠭᠰᠡᠨ ᠵᠣᠶᠢᠯ ᠬᠤᠷᠳᠣᠨ ᠪᠥᠲᠣᠭᠡᠳ ᠯᠡ᠂ ᠬᠤᠷᠠ ᠪᠣᠷᠣᠭᠠᠨ ᠰᠠᠶᠢᠨ ᠣᠷᠣᠭᠠᠳ ᠣᠪᠣᠭᠠ ᠪᠣᠯᠠᠭ ᠤᠨ ᠡᠵᠡᠳ᠂ ᠭᠠᠵᠠᠷ ᠯᠣᠣᠰ ᠪᠠᠶᠠᠰᠣᠨᠠ ᠭᠡᠵᠥ ᠪᠣᠳᠣᠳᠠᠭ ᠮᠢᠨᠢ ᠱᠠᠯ ᠡᠰᠡᠷᠭᠦᠣ ᠪᠠᠶᠢᠵᠡᠢ ᠂ ᠳᠣᠣᠷᠠ ᠪᠢ ᠨᠢᠭᠡ ᠨᠠᠰᠣᠲᠡᠨ ᠤ ᠠᠮᠠᠨ ᠠᠴᠠ ᠴᠢᠬᠢ ᠢᠶᠡᠷ ᠢᠶᠠᠨ ᠰᠣᠨᠣᠰᠣᠭᠰᠡᠨ ᠳᠣᠮᠤᠭ ᠢ ᠮᠣᠩᠭ᠋ᠣᠯᠴᠤᠳ ᠲᠠᠢ ᠪᠠᠨ ᠬᠤᠪᠢᠶᠠᠯᠴᠠᠶᠡ ᠃
ᠶᠡᠬᠡᠯᠡ ᠡᠷᠲᠠ ᠴᠠᠭ ᠶᠣᠮ ᠭᠡᠰᠡᠨ ᠾᠥᠩᠨᠣ ᠰᠢᠣᠩᠨᠥ ᠶᠢᠨ ᠥᠶᠡ ᠳᠤ ᠴᠤ ᠶᠣᠮ ᠤᠤ ᠬᠥᠬᠡ ᠮᠣᠩᠭᠤᠯ ᠤᠨ ᠲᠥᠷᠥ ᠳᠤ ᠶᠣᠮ ᠤᠤ ᠪᠤᠤ ᠮᠡᠳᠠ ᠡᠪᠡᠰᠥ ᠨᠣᠭᠤᠭᠠ ᠬᠥᠬᠡᠷᠡᠵᠥ ᠂ ᠮᠠᠯ ᠰᠥᠷᠥᠭ ᠲᠡᠩᠬᠡᠭᠰᠡᠨ ᠬᠤᠷᠠ ᠪᠣᠷᠣᠭᠠᠨ ᠲᠡᠭᠰᠢᠬᠡᠨ ᠰᠦ᠋ ᠴᠠᠭᠠ ᠡᠯᠪᠡᠭ ᠵᠣᠨ ᠤ ᠨᠢᠭᠡᠨ ᠥᠷᠯᠥᠭᠡ ᠯᠡ ᠶᠣᠮ ᠭᠡᠰᠡᠨ ᠪᠠᠷᠠᠭᠤᠨ ᠬᠤᠶᠢᠨᠠ ᠠᠴᠠ ᠬᠠᠷᠠ ᠡᠭᠦᠯᠨ ᠲᠣᠯᠣᠭᠠᠶᠢᠯᠠᠵᠥ ᠰᠢᠷᠥᠭᠦᠨ ᠪᠣᠷᠣᠭᠠᠨ ᠣᠷᠣᠬᠤ ᠰᠢᠨᠵᠢ ᠲᠠᠢ ᠪᠠᠢᠭᠰᠠᠨ ᠭᠡᠰᠡᠨ ᠳ᠋ᠡ︕ ᠠᠷᠥ ᠪᠠᠷ ᠢᠶᠠᠨ ᠳᠥᠰᠢᠯᠭᠡ ᠪᠣᠯᠣᠭᠰᠡᠨ ᠠᠭᠤᠯᠨ ᠲᠠᠢ ᠡᠮᠥᠨᠡᠭᠦᠷ ᠢᠶᠠᠨ ᠨᠠᠷᠢᠬᠠᠨ ᠭᠤᠣᠯ ᠣᠷᠣᠰᠣᠭᠰᠡᠨ ᠲᠡᠭᠰᠢᠬᠡᠨ ᠰᠠᠶᠢᠬᠠᠨ ᠳᠡᠨᠵᠢᠷᠡᠬᠦᠣ ᠭᠠᠵᠠᠷ ᠵᠣᠰᠠᠭᠰᠡᠨ ᠳᠣᠮᠳᠠ ᠶᠢᠨ ᠣᠨᠳᠣᠷᠯᠠᠭᠠ ᠠᠶᠢᠯ ᠤᠨ ᠵᠡᠭᠦᠨ ᠡᠮᠥᠨᠡ ᠨᠡᠯᠢᠶᠡᠳ ᠵᠠᠢ ᠲᠠᠢ ᠭᠠᠵᠠᠷ ᠥᠨᠢᠶᠡᠨ ᠵᠡᠯᠡᠨ ᠳᠡᠭᠡᠷᠠ ᠭᠤᠴᠢ ᠡᠷᠭᠢᠮᠡ ᠨᠠᠰᠤᠨ ᠤ ᠭᠤᠸᠠᠯᠢᠭᠬᠠᠨ ᠪᠣᠷᠣ ᠪᠥᠰᠡᠭᠦᠢ ᠰᠡᠭᠦᠯᠴᠢ ᠶᠢᠨ ᠥᠨᠢᠶᠡ ᠪᠠᠨ ᠰᠠᠭᠠᠭᠠᠳ ᠰᠠᠭᠤᠯᠭᠠ ᠲᠠᠢ ᠰᠦ᠋ ᠪᠡᠨ ᠪᠢᠯᠬᠠᠭᠤᠯᠠᠵᠥ ᠭᠡᠷ ᠥᠭᠡᠳᠠ ᠠᠯᠬᠤᠬᠤ ᠳᠤ ᠭᠡᠨᠡᠳᠳᠡ ᠰᠠᠯᠬᠢ ᠱᠣᠣᠭᠢᠵᠥ ᠡᠭᠦᠯᠨ ᠭᠠᠵᠠᠷ ᠪᠠᠭᠤᠯᠭᠠᠮᠠᠷ ᠣᠰᠣᠨ ᠮᠠᠨᠠᠨ ᠪᠣᠰᠴᠥ ᠥᠶᠡᠷ ᠤᠨ ᠣᠰᠣ ᠰᠢᠭᠤᠳ ᠳᠠᠭᠠᠷᠢᠭᠠᠳ ᠢᠷᠡᠯᠡ ᠂ ᠭᠡᠷ ᠲᠤ ᠬᠤᠶᠠᠷ ᠬᠡᠯᠨ ᠮᠡᠳᠠᠬᠦ ᠬᠡᠣᠬᠡᠳ ᠪᠠᠰᠨ ᠨᠣᠶᠢᠷᠠᠨ ᠳᠣᠮᠳᠠ ᠪᠡᠨ ᠪᠠᠶᠢᠭᠠ ᠣᠳᠣ ᠶᠠᠭᠠᠬᠢᠨᠠ︖ ᠪᠠᠯᠮᠠᠳᠠᠭᠰᠠᠨ ᠪᠦᠰᠡᠭᠦᠢ ᠪᠡᠶᠡᠨ ᠠᠴᠠ ᠠᠰᠠᠭᠤᠬᠤ ᠵᠠᠭᠤᠷᠠ ᠰᠠᠨᠳᠣᠷᠠᠭᠰᠡᠨ ᠥᠶᠡ ᠳᠤ ᠰᠠᠮᠪᠠᠭᠠ ᠲᠥᠷᠥᠭᠳᠡᠨᠠ ᠭᠡᠵᠥᠭᠡᠷ ᠳᠡᠭᠡᠨ ᠳᠠᠪᠬᠢᠨ ᠣᠷᠣᠵᠥ ᠰᠢᠨᠠᠭᠠ ᠠᠪᠣᠭᠠᠳ ᠰᠠᠭᠠᠯᠢ ᠶᠢᠨ ᠰᠠᠭᠤᠯᠭᠠ ᠲᠠᠢ ᠰᠥᠨ ᠡᠴᠡ ᠪᠠᠨ ᠣᠳᠬᠤᠵᠥ ᠥᠶᠡᠷ ᠤᠨ ᠣᠰᠣᠨ ᠵᠥᠭ ᠴᠢᠨᠠᠭᠰᠢ ᠪᠠᠨ ᠂ ᠂ ᠂ ᠴᠢᠨᠠᠭᠰᠢ ᠪᠠᠨ ᠭᠡᠵᠥ ᠴᠠᠴᠤᠭᠰᠠᠭᠠᠷ ᠪᠠᠶᠢᠲᠠᠯᠠ ᠰᠠᠭᠤᠯᠭᠠ ᠲᠠᠢ ᠰᠦ᠋ ᠭᠦᠢᠴᠡᠬᠦ ᠶᠢᠨ ᠠᠯᠳᠠ ᠪᠠᠷ ᠥᠶᠡᠷ ᠢᠶᠠᠨ ᠣᠰᠣ ᠣᠭᠠᠯᠵᠨ ᠡᠷᠭᠢᠨ ᠭᠡᠷ ᠢ ᠨᠢ ᠲᠣᠭᠤᠷᠢᠭᠠᠳ ᠴᠢᠨᠠᠭᠰᠢ ᠪᠠᠨ ᠶᠠᠪᠣᠭᠠᠳ ᠥᠭᠭᠦᠯᠡ ᠭᠡᠳᠡᠭ ᠢᠩᠭᠢᠭᠡᠳ ᠮᠠᠨ ᠤ ᠮᠣᠩᠭᠤᠯᠴᠤᠳ ᠰᠥ᠋ᠨ ᠤ ᠷᠢᠳᠢ ᠰᠢᠳᠢ ᠂ ᠬᠥᠴᠥᠨ ᠴᠢᠳᠠᠯ ᠢ ᠶᠡᠬᠡᠳᠠ ᠬᠥᠨᠳᠥᠳᠬᠡᠨ ᠥᠵᠡᠵᠥ ᠂ ᠰᠦ᠋ ᠪᠣᠯ ᠣᠰᠣᠨ ᠤ ᠲ᠋ᠠᠷᠣᠯᠭᠠ ᠭᠡᠵᠥ ᠳᠠᠬᠢᠯᠭᠠ ᠲᠠᠶᠢᠯᠯᠠᠭᠠ ᠳᠤ ᠠᠷᠢᠭᠤᠨ ᠴᠠᠭᠠᠨ ᠤ ᠪᠡᠯᠭᠡᠳᠡᠯ ᠪᠣᠯᠭᠠᠨ ᠰᠡᠷᠵᠢᠮᠯᠡᠬᠦ ᠲ᠋ᠡᠳᠣᠢ ᠡᠷᠭᠦᠳᠡᠭ ᠶᠣᠮ ᠭᠡᠰᠡᠨ ᠂ ᠮᠥᠨ ᠴᠤ ᠡᠮᠡᠭᠲᠠᠢ ᠬᠥᠮᠥᠨ ᠣᠪᠣᠭᠠᠨ ᠳᠤ ᠭᠠᠷᠴᠥ ᠰᠦ᠋ ᠡᠷᠭᠦᠬᠦ ᠶᠢ ᠶᠡᠬᠡᠳᠠ ᠴᠡᠭᠡᠷᠯᠡᠨ ᠬᠤᠷᠠ ᠪᠣᠷᠣᠭᠠᠨ ᠵᠠᠶᠢᠯᠠᠨᠠ ᠭᠡᠵᠥ ᠥᠵᠡᠳᠡᠭ ᠪᠠᠶᠢᠨᠠ︕ ᠶᠠᠷᠣᠨᠢ ᠴᠢᠩᠭᠢᠭᠡᠳ ᠣᠪᠣᠭᠠᠨ ᠤ ᠡᠵᠡᠳ ᠪᠣᠯ ᠲᠣᠮᠥ ᠮᠣᠭᠠᠢ ᠪᠠᠶᠢᠳᠠᠭ ᠭᠡᠳᠡᠭ ᠶᠣᠮ ᠂ ᠲᠡᠷᠨ ᠨᠢ ᠶᠡᠭᠡ ᠬᠡᠶᠢᠮᠤᠷᠢ ᠲᠠᠢ ᠬᠦᠮᠦᠨ ᠯᠡ ᠣᠯᠵᠥ ᠥᠵᠡᠳᠡᠭ ᠶᠣᠮ ᠭᠡᠵᠥ ᠨᠠᠰᠣᠲᠠᠳ ᠤᠨ ᠶᠠᠷᠢᠶᠠᠨ ᠳᠤ ᠪᠠᠶᠢᠳᠠᠭ ᠃ ᠮᠣᠭᠠᠢ ᠪᠣᠯ ᠰᠥᠨ ᠡᠴᠡ ᠶᠡᠭᠡ ᠠᠶᠣᠳᠠᠭ ᠂ ᠭᠡᠷ ᠲᠤ ᠮᠣᠭᠠᠢ ᠣᠷᠣᠭᠠᠳ ᠢᠷᠡᠬᠦ ᠪᠡᠷ ᠰᠦ᠋ ᠲᠣᠰᠠᠭᠠᠪᠡᠯ ᠭᠠᠷᠤᠭᠠᠳ ᠲ᠋ᠣᠲᠠᠭᠠᠴᠢᠬᠠᠳᠡᠭ ᠶᠣᠮ ᠂ ᠨᠥᠬᠡᠨ ᠳᠤ ᠪᠠᠶᠢᠭᠠ ᠮᠣᠭᠠᠢ ᠶᠢᠨ ᠲᠡᠭᠡᠷᠡ ᠰᠦ᠋ ᠶᠡᠭᠡ ᠬᠢᠪᠡᠯ ᠳᠣᠣᠷᠠ ᠪᠠᠨ ᠦᠬᠦᠴᠢᠬᠡᠳᠡᠭ ᠶᠣᠮ ᠭᠡᠰᠡᠨ︕ ᠮᠥᠩᠬᠡ ᠲᠡᠭᠷᠢ ᠠᠴᠠ ᠢᠷᠡᠯ ᠲᠠᠢ ᠮᠣᠩᠭᠤᠯᠴᠣᠣᠯ ᠮᠢᠨᠢ ᠳᠡᠭᠡᠳᠥᠰ ᠤᠨ ᠢᠶᠠᠨ ᠶᠣᠰᠣ ᠵᠠᠶᠠᠭ ᠢ ᠪᠠᠷᠢᠮᠲᠠᠯᠠᠵᠥ ᠂ ᠳᠡᠭᠡᠳᠥᠰ ᠤᠨ ᠰᠣᠶᠣᠯ ᠢᠶᠠᠨ ᠬᠥᠭᠵᠢᠭᠦᠯᠥᠨ ᠵᠠᠯᠭᠠᠮᠵᠢᠯᠠᠵᠥ ᠳᠡᠯᠡᠬᠡᠢ ᠵᠢᠨ ᠣᠯᠠᠨ ᠶᠠᠰᠣᠲᠠᠨ ᠶᠢ ᠭᠠᠶᠢᠬᠠᠭᠤᠯᠵᠥ ᠶᠠᠪᠣᠶᠡ ᠃
ᠲᠠᠭᠠᠰᠢᠶᠠᠭᠰᠠᠨ ᠪᠣᠯ ᠢᠯᠡᠭᠦᠬᠡᠨ ᠪᠤᠰᠤᠳ ᠲᠠᠭᠠᠨ ᠳᠠᠮᠵᠢᠭᠤᠯᠤᠭᠠᠷᠠᠢ᠃